Ինչպես արդեն տեղեկացրել ենք, Կատարի մայրաքաղաք Դոհայում ընթացող ՖԻԴԵ-ի կանանց «Գրան Պրիի» 8-րդ տուրում հայ շախմատիստուհիները` Էլինա Դանիելյանը և Լիլիթ Մկրտչյանը, պարտություններ կրեցին` զիջելով համապատասխանաբար Համփի Կոներուին և Նանա Ձագնիձեին: Էլինա Դանիելյանը մոտակա հետապնդողների նկատմամբ պահպանեց մեկ միավորի տարբերությունը` օգտվելով այն հանգամանքից, որ Մարի Սեբագը միավորը կիսել է Անտուանետա Ստեֆանովայի հետ: Հաշվետու տուրում Մարթա Ֆիերոն, իր հերթին, պարտության է մատնել Բաթհույագ Մոնղոնթուլին: Մյուս պարտիաների արդյունքներին անդրադարձել ենք մեր նախորդ լրահոսում:
8-րդ տուրից հետո, այսպիսով, Էլինա Դանիելյանն իր ակտիվում 6,5 միավոր ունի: Մարի Սեբագն ու Համփի Կոներուն վաստակել են 5,5-ական, Նանա Ձագնիձեն` 5, Պիա Կրամլինգը` 4,5, Մայա Չիբուրդանիձեն ու Մարթա Ֆիերոն` 4-ական, Լիլիթ Մկրտչյանը` 3, Բաթհույագ Մոնղոնթուլը, Ժու Չենը, Սյու Յուհուան և Անտուանետա Ստեֆանովան` 2,5-ական միավոր:
Հիշեցնենք, որ այսօր կայանալիք 9-րդ տուրում Էլինա Դանիելյանը կխաղա Մարթա Ֆիերոյի հետ: Լիլիթ Մկրտչյանի մրցակիցը Ժու Չենն է:
/Aysor.am/
|