Блог
Главная »
2011 »
Март »
29 » Բրայզան հուսով է` Ադրբեջանի իշխանություններն ազատ կարձակեն ձերբակալված ցուցարարներին
16:28 Բրայզան հուսով է` Ադրբեջանի իշխանություններն ազատ կարձակեն ձերբակալված ցուցարարներին |
Եգիպտոսի նախագահ Հոսնի Մուբարաքի նախընտրած ուժեղ ավտորիտար իշխանությունը կամ ֆունդամենտալ իսլամական ծայրահեղականությունը, արդյունքում նրան տարավ կործանման. նման սցենար ցանկալի չէ Ադրբեջանի համար»,- հայտարարել է Ադրբեջանում ԱՄՆ դեսպան Մեթյու Բրայզան` անդրադառնալով ԱՄՆ-Ադրբեջան հարաբերություններին և Ադրբեջանում մարդու իրավունքների պաշտպանության մոդելի զարգացման թեմային: Այս մասին հաղորդում է «Islamsng.com» կայքը` հղում անելով «Ազատություն» ռադիոկայանի Ադրբեջանի ծառայությանը:
«Մենք հուսով ենք, որ Ադրբեջանը կընտրի երրորդ ուղին` ոսկե միջինը, որը ազատական ժողովրդավարությունն է: Դա շատ կարևոր է Ադրբեջանի քաղաքացիների համար: Հուսով եմ, որ այն մարդիկ որոնք ձերբակալվել են անցյալում և վերջերս տեղի ունեցած բողոքի ակցիաների ժամանակ ազատ կարձակվեն: Հակառակ պարագայում կասկած տակ կդրվի Սահմանադրության, օրենսդրության և միջազգային նորմերի վրա հիմնված խոսքի և հավաքների ազատության նկատմամբ հարգանքով վերաբերվելու իշխանությունների ցանկությունն ու խոստումները, ինչպես նաև ստանձնած պարտավորությունները»,- հայտարարել է Բրայզան:
Անդրադառնալով ԱՄՆ-Ադրբեջան հարաբերություններին դեսպանը նշել է.«Այս երկրում Վաշինգտոնի ուշադրության կենտրոնում են երեք ուղղություններ` խոսքի և մամուլի ազատությունը, էներգետիկ անվտանգության ռազմավարությունը, Ղարաբաղյան հակամարտության խաղաղ կարգավորումը, ինչը հիմնական հարցերից մեկն է ԱՄՆ-ի համար»:
/Panorama.am/
|
Просмотров: 406 |
Добавил: Voskanapat
| Рейтинг: 0.0/0 |