Блог
Главная »
2010 »
Декабрь »
23 » Բարաք Օբաման անտարբեր է Թուրքիայի վարչապետի նամակի հանդեպ
12:22 Բարաք Օբաման անտարբեր է Թուրքիայի վարչապետի նամակի հանդեպ |
Անդրադառնալով ԱՄՆ Կոնգրեսում Հայոց ցեղասպանության վերաբերյալ 252-րդ բանաձևի շուրջ ծավալվող ինտրիգներին` Գոլոս Արմենիի թերթը նշում է, որ Կոնգրեսի խոսնակ Նենսի Փելոսիի կողմից 252-րդ բանաձևի քննարկումն օրակարգ մտցնելու հեռանկարն այնքան վախեցրեց թուրքերին, որ վերջիններս ագրեսիվ լոբբիստական գործընթաց սկսեցին ընդդեմ 252-րդ բանաձևի ընդունման: Թուրքիայի վարչապետ Էրդողանն անգամ այս կապակցությամբ նամակ հղեց ԱՄՆ նախագահին:
Մասնավորապես` Թուրքիան սպառնում էր, որ եթե 252-րդ բանաձևն ընդունվի, ողջ աշխարհը կտեսնի Թուրքիայի քայլերը: Եվ վերջապես երեկ ԱՄՆ-ի նախագահի մամուլի քարտուղար Ռոբերտ Գիբսը հնչեցրեց Բարաք Օբամայի դիրքորոշումը. «Նախագահ Օբաման չի ստիպել Կոնգրեսի առաջնորդներին օրակարգ չհանել Հայոց ցեղասպանության վերաբերյալ 252-րդ բանաձևը: Ինչ վերաբերում է Բարաք Օբամայի արձագանքին Թուրքիայի վարչապետի նամակի առնչությամբ, ապա նախագահի արձագանքը լավագույն դեպքում անտարբերությունն է»:
«Լավագույն դեպքում անտարբերություն». թերթը գրում է, որ այս սարկաստիկ արտահայտությամբ ԱՄՆ նախագահը ցույց տվեց Թուրքիային, որ 252-րդ բանաձևը միշտ Դամոկլյան սրի պես կախված է լինելու ցեղասպան պետության գլխավերևում, այնքան ժամանակ, մինչև վերջինս հրաժարվի իր ժխտողական քաղաքականությունից:
/Panorama.am/
|
|
Просмотров: 479 |
Добавил: Voskanapat
| Рейтинг: 0.0/0 |
