Блог
Главная »
2010 »
Декабрь »
10 » «Աստանայում ստացած ապտակն պետք է Ադրբեջանին զգաստացնի»
16:25 «Աստանայում ստացած ապտակն պետք է Ադրբեջանին զգաստացնի» |
Աստանայում կայացած ԵԱՀԿ գագաթաժողովը ԼՂ հակամարտության կարգավորման գործընթացի տեսակետից կարևոր և ձեռնտու էր Հայաստանի համար: Լրագրողների հետ հանդիպման ժամանակ նման կարծիք հայտնեց ԱԺ Ֆինանսավարկային և բյուջետային հարցերի մշտական հանձնաժողովի նախագահ Գագիկ Մինասյանը:
«Հայաստանի համար ձեռնտու էր այն տեսանկյունից, որ Ադրբեջանի համար ևս մեկ անգամ պարզ դարձավ, որ ղարաբաղյան հակամարտության կարգավորման շուրջ միջազգային հանրության տեսակետներն ընթանում են իր համար անընդունելի տարբերակով։ Իսկ այնտեղ ստացած ապտակը պետք է զգաստացնող լիներ Ադրբեջանի համար»,- ասաց Մինասյանը և հավելեց, որ, կարծես, ԵԱՀԿ համանախագահող երկրների ղեկավարների համար ևս ընդունելի է դառնում հակամարտության լուծման` հայկական կողմից առաջարկած տարբերակը:
Աստանի հաջորդ ձեռքբերումը, ըստ ՀՀԿ-ական պատգամավորի, ընդունված հնգակողմ հայտարարությունն է, որում հղում է արվում ՄԱԿ-ի կանոնադրությանը, ինչպես նաև` ՀՀ նախագահ Սերժ Սարգսյանի ելույթը, որով ի լուր աշխարհի հայտարարվեց, որ Հայաստանն է ԼՂՀ անվտանգության երաշխավորը:
/Aysor.am/
|
|
Просмотров: 461 |
Добавил: Voskanapat
| Рейтинг: 5.0/1 |
