Блог
Главная »
2011 »
Март »
25 » Աշխատանքային խորհրդակցություն` ԼՂՀ նախագահի մոտ
12:18 Աշխատանքային խորհրդակցություն` ԼՂՀ նախագահի մոտ |
Արցախի Հանրապետության Նախագահ Բակո Սահակյանն այսօր հրավիրել է աշխատանքային խորհրդակցություն` բնակարանային ծրագրերի համակարգման պետական հանձնաժողովի անդամների մասնակցությամբ: Արցախի Հանրապետության նախագահի աշխատակազմի տեղեկատվության գլխավոր վարչության տեղեկացմամբ, խորհրդակցությանը քննարկվել են զոհված ազատամարտիկների ընտանիքներին բնակարաններով ապահովման գործընթացի հետ կապված հարցեր: Զեկույցով հանդես է եկել սոցապահովության նախարար Նարինե Ասծատրյանը, իսկ շրջաններում իրականացվող աշխատանքների մասին տեղեկություններ են հաղորդել շրջվարչակազմերի ղեկավարները: Երկրի ղեկավարն ընդգծել է, որ անհրաժեշտ է մեկամսյա ժամկետում ճշգրտել ցուցակները և դրան համապատասխան իրականացնել համալիր միջոցառումներ` կապված կարիքավորներին բնակարաններով ապահովելու գործընթացի հետ և ավարտին հասցնել պետական այս ծրագիրը: Անդրադարձ է կատարվել նաև Արցախյան պատերազմի առաջին կարգի հաշմանդամներին ու փախստականներին բնակարաններով ապահովելու ծրագրի մշակման և իրականացման հետ կապված հարցերին: Խորհրդակցությանը մասնակցում էին վարչապետ Արա Հարությունյանը, պաշտոնատար այլ անձինք: /Panorama.am/
|
Просмотров: 511 |
Добавил: Voskanapat
| Рейтинг: 0.0/0 |