Հարավային Կովկասում «արաբական սինդրոմի» տարածման գլխավոր թիրախը հանդիսանում է Ադրբեջանը: Այսօր լրագրողների հետ հանդիպման ժամանակ նման տեսակետ հայտնեց Վ. Բրյուսովի անվան Երևանի պետական լեզվաբանական համալսարանի ռեկտոր, քաղաքագետ Սուրեն Զոլյանը:
«Հարավային Կովկասում այդպիսի վրանգի առջև կարող է կանգնել Ադրբեջանը, որովհետև թե՛ Հայաստանը և թե՛ Վրաստանը, եթե ոչ պետականության, ապա գոնե մշակութային առումով շատ ավելի կայուն են, քան Միջին Արևելքի երկրները»,- նշեց Սուրեն Զոլյանը:
Բանախոսի հավաստամամբ, այս համատեքստում այժմ Արևմուտքում քննարկման մեծ առարկա են դարձել Իրանում հնարավոր զարգացումները, և այս առումով Ադրբեջանը փորձում է շահարկել հյուսիսային Իրանի թրքախոս բնակչության խաղաքարտը` դրանով իսկ փորձելով ավելացնել իր քաղաքական կշիռը:
Սակայն, ընտ Սուրեն Զոլյանի, այս ամենը կարող է հակառակ ազդեցություն ունենալ այն պարզ պատճառով, որ բուն Ադրբեջանի ներսում էլ առկա են ազգային փոքրամասնությունների իրավունքների ոտնահարման հետ կապված բազմաթիվ խնդիրներ:
«Ադրբեջանը իր ներսում ունի լեզգիական, թալիշական և բուն ադրբեջանական գործոնները»,- նշեց Սուրեն Զոլյանը` հավելելով որ ադրբեջանական հասարակության մեջ շատ խիստ է դրված «ով լինելու» հարցին պատասխանելու անհրաժեշտությունը:
«Հնարավոր է, որ հենց ադրբեջանցիների շրջանում էլ պառակտում լինի. մի մասը կասի մենք թուրք ենք, ինչպես եղել է Էլչիբեի ժամանակ, մյուսները կասեն, թե մենք յուրահատուկ ադրբեջանական ազգ ենք, մի մասն էլ կասի, որ իրենք հին ալբանական ազգի հետնորդն են»,- նշեց Սուրեն Զոլյանը:
/Aysor.am/
|