«Ադրբեջանում այս պահին հանրահավաքների անցկացումը քաղաքական փոփոխությունների չի բերի»,- հայտարարել է Ադրբեջանի ընդդիմադիր ժողովրդավարական կուսակցության ղեկավար Սարդար Ջալալօղլուն: Այս մասին հաղորդում է «Վեստի.ազ» էլեկտրոնային պարբերականը:
«Հասարակական պալատի ընդունած որոշումը` ապրիլի 2-ին նախատեսված «համաժողովրդական հանրահավաք» անցկացնելու կապակցությամբ, մեր կուսակցության համար պարտադիր պայման չէ, քանի որ իրենք հասարակական պալատին անդամակցում են կամավոր հիմունքներով և չեն համարում այդ որոշումը որպես հրաման»,- հայտարարել է ընդդիմադիր կուսակցության ղեկավարը:
Ստացվում է, որ Ադրբեջանի ընդդիմադիր դաշտը հանրահավաքների անցկացման կապակցությամբ տարակերպ մոտեցումներ է դրսևորում: Այն ընդդիմադիրները, որոնք ակտիվ են քաղաքացիական ակցիաների կազմակերպման մեջ փորձում է հանրահավաքների անցկացմամբ ակտիվացնել հանրությանն ու հասնել որոշակի քաղաքական փոփոխությունների, իսկ մյուս հատվածը, փաստորեն ժամանակավրեպ ու անիմաստ է համարում հանրահավաքների անցկացումը, քանի որ ոչ մի քաղաքական փոփոխություն էլ այս պահին չի լինի:
Ինչպես ասում են կարևորը մեկնաբանությունն է, որը շատ դեպքերում պարտադիր չէ ուղղակի կապ ունենա իրականության հետ:
/Panorama.am/
|