Блог
Главная »
2011 »
Март »
15 » Ադրբեջան. Ընդդիմությունն անցկացնելու է «Համաժողովրդական հանրահավաք»
15:44 Ադրբեջան. Ընդդիմությունն անցկացնելու է «Համաժողովրդական հանրահավաք» |
Ադրբեջանի «Հանուն ժողովրդավարության քաղաքացիական շարժման» համակարգող խորհուրդը (Հասարակական պալատ) ընդունել է որոշում, ըստ որի ապրիլի 2-ին Բաքվում նախատեսվում է անցկացնել «համաժողովրդական հանրահավաք» ժողովրդավարական բարեփոխումներ կատարելու պահանջով: Այս մասին հաղորդում է Թուրան գործակալությունը:
Աղբյուրի փոխանցմամբ, ընդդիմությունը հայտնում է, որ նախատեսված է, որ հանրահավաքը պետք է անցկացվի «Նարիմանով» կինոթատրոնի հարակից հրապարակում: Բայց եթե իշխանությունները չարտոնեն հանրահավաքը, ապա պատրաստվելու են այն անցկացնել Բաքվի կենտրոնում «Ցայտաղբյուրների» հրապարակում:
Հիշեցնենք, որ մարտի 11-ին և 12-ին անցկացված բողոքի ակցիաները Ադրբեջանի ոստիկանության կողմից խոչընդոտվել են և ձերբակալվել են 100-ից ավելի ցուցարարներ:
/Panorama.am/
|
Просмотров: 516 |
Добавил: Voskanapat
| Рейтинг: 0.0/0 |