Блог
Главная »
2011 » Июнь » 2 » Յովանովիչն ու Մովսիսյանը հուշագիր են ստորագրել
18:36 Յովանովիչն ու Մովսիսյանը հուշագիր են ստորագրել |
Այսօր ՀՀ-ում ԱՄՆ դեսպան Մարի Լ. Յովանովիչը և ՀՀ էներգետիկայի և բնական պաշարների նախարար Արմեն Մովսիսյանը ստորագրեցին փոխըմբռնման հուշագիր ավանդական և ոչ-ավանդական էներգետիկ ռեսուրսների մասին:
Այս փոխըմբռնման հուշագրով սահմանվում է գիտելիքների ու փորձաքննության փոխանակման շրջանակը ՀՀ և ԱՄՆ կառավարությունների միջև Հայաստանում ավանդական և ոչ-ավանդական էներգետիկ ռեսուրսների բնութագրման ու գնահատման, ինչպես նաև այդ ռեսուրսների պատասխանատու և կայուն զարգացման ու շահագործման ասպարեզում:
ԱՄՆ դեսպանատան մամուլի ծառայության հաղորդմամբ, փոխըմբռնման հուշագիրը նաև ԱՄՆ Երկրաբանական հետազոտությունների ծառայության ու ՀՀ էներգետիկայի և բնական պաշարների նախարարության կողմից Հայաստանի էներգետիկ ռեսուրսների, այդ թվում այրվող թերթաքարների պաշարների համատեղ գնահատման ու տեխնիկական ուսումնասիրությունների հնարավորություն է նախատեսում:
Դեսպան Յովանովիչը նշել է, որ «գոհունակություն է հայտնում, որ նախարար Մովսիսյանի հետ ստորագրում է ՀՀ և ԱՄՆ կառավարությունների միջև լրացուցիչ համագործակցության մասին այս փաստաթուղթը, որը կօգնի ուսումնասիրել ու զարգացնել Հայաստանի էներգետիկ ռեսուրսները»:
/Panorama.am/
|
|
Просмотров: 473 |
Добавил: Voskanapat
| Рейтинг: 0.0/0 |
