«Ադրբեջանի իշխանությունները այսպիսի զեկույցներին արձագանքում են ընկնելով դեմագոգիայի գիրկը և չեն պատասխանում զեկույցի այն դիտարկմանը, որ ազատ և հանդուրժողականություն դավանող պետությունները չպետք է այսպիսի քաղաքականություն վարեն»,- մեկնաբանելով Ռասիզմի և անհանդուրժողականության դեմ պայքարի եվրոպական հանձնաժողովի (ՌԱԵՀ) Ադրբեջանի մասին ընդունված զեկույցը՝ Panorama.am-ի հետ զրույցում ասաց Քաղաքացիական հասարակության և տարածաշրջանային առաջընթացի ինստիտուտի համակարգող Շուշան Խաթլամաջյանը:
Նա նշեց, որ Ադրբեջանի հակափաստարկն այսպիսի զեկույցներին այն է, որ նշում են, թե Հայաստանի հետ պատերազմական իրավիճակում են գտնվում, ինչի պայմաններում հանդուրժողականության մասին խոսք լինել չի կարող:
«Ադրբեջանի իշխանությունները նորմալ են համարում, որ իրենց երկրում հայերի նկատմամբ այսպիսի քարոզչություն է տարվում` փաստարկելով այս ամենը լոկ միայն պատերազմական պայմանների մեջ գտնվելու համգամանքով»,-նշեց Շ. Խաթլամաջյանը:
Նրա հավաստմամբ, որ սա արդեն 3-րդ զեկույցն է Ադրբեջանի մասին, որտեղ շեշտվում է Ադրբեջանի կողմից տարվող հակահայկական քաղաքականության մասին:
Խաթլամաջյանի կարծիքով, Ադրբեջանի մասով այսպիսի զեկույցների ընդունման շարունակական բնույթը վկայում է այն մասին, որ Ադրբեջանը ոչ մի բան չի անում այս իրավիճակը շտկելու համար:
/Panorama.am/
| 
