Блог
Главная »
2011 » Июнь » 11 » Քադաֆիի դուստրը Ֆրանսիայի նախագահի դեմ դատական հայց է ներկայացրել
15:14 Քադաֆիի դուստրը Ֆրանսիայի նախագահի դեմ դատական հայց է ներկայացրել |
Լիբիայի Ջամահիրիայի առաջնորդ Մուամմար Քադդաֆիի դուստրը ՝ Աիշա Քադդաֆին, ՆԱՏՕ-ի զինված ուժերի դեմ երկրորդ հայցն է ներկայացրել Փարիզի դատարան: Այս մասին հաղորդում է «ՌԲԿ» լրատվական գործակալությունը:
Նշենք, որ սա Աիշա Քադդաֆիի՝ ՆԱՏՕ զինուժի դեմ երկրորդ հայցադիմումն է: Ապրիլի 7-ին նա երկու հայց էր ներկայացրել համապատասխանաբար Բրյուսելի և Փարիզի դատարաններ, որոնց մեջ Մուամմար Քադդաֆիի որդու և թոռների մահվան պատճառ հանդիսացած ռմբակոծությունը անվանել էր ռազմական հանցագործություն:
Ըստ լրատվական գործակալության հաղորդած տեղեկությունների, այս անգամ բողոքն ուղղված է ոչ միայն Հյուսիսատլանտյան Դաշինքի զորքերի, այլ նաև Ֆրանսիայի զինված ուժերի և երկրի նախագահ Նիկոլյա Սարկոզիի դեմ, քանի որ վերջինս հանդիսանում է Ֆրանսիա զինված ուժերի գլխավոր հրամանատարը:
Աիշա Քադդաֆին պահանջում է քրեական պատասխանատվության կանչել իր եղբոր և Մուամմար Քադդաֆիի թոռների մահվան մեջ մեղավոր անձանց:
Հիշեցնենք, որ վերջիններս զոհվել են ապրիլի 30-ին տեղի ունեցած օդային ռմբակոծության արդյունքում:
/Panorama.am/
|
|
Просмотров: 463 |
Добавил: Voskanapat
| Рейтинг: 0.0/0 |
