Блог
Главная »
2011 » Июнь » 3 » Նիկիտա Սիմոնյան. «Ես խոսքեր չեմ շռայլի»
13:46 Նիկիտա Սիմոնյան. «Ես խոսքեր չեմ շռայլի» |
Ռուսաստանի ֆուտբոլային միության փոխնախագահ Նիկիտա Սիմոնյանը championat.ru-ի թղթակցի հետ զրույցում խոսել է Եվրոպայի 2012 թ. առաջնության ընտրական փուլի շրջանակներում Հայաստանի հավաքականի հետ հունիսի 4-ին Սանկտ Պետերբուրգում տեղի ունենալիք հանդիպման մասին:
«Ես խոսքեր չեմ շռայլի և չեմ սկսի հայտարարել, որ անպայման հաղթելու ենք Հայաստանի հավաքականին: Այսօր եվրոպական ֆուտբոլային քարտեզի վրա թույլ թիմեր գործնականում չկան: Ինձ բախտ է վիճակվել աշխատել Լոբանովսկու հետ, և նա նույնիսկ այնպիսի մրցակիցների մասին, ինչպիսիք են Լյուքսեմբուրգի ու Լիխտենշտեյնի թիմերը, խոսում էր, ինչպես լուրջ հակառակորդների: Ուստի խոսքեր պետք չեն, ամեն ինչ անհրաժեշտ է ապացուցել գործով: Մենք բոլորս Ռուսաստանի հավաքականին հաղթանակ ենք մաղթում:
Հաշվի առնելով ազգությունս` ինձ հաճախ են հարցնում, թե ում համար եմ ցավում: Իսկ ո՞ւմ համար կարող է ցավել ՌՖՄ-ի առաջին փոխնախագահը: Ցանկանում եմ, որ Ռուսաստանը խմբում գրավի առաջին տեղը, իսկ Հայաստանը թող լինի երկրորդը»,- ասել է Նիկիտա Սիմոնյանը:
/Aysor.am/
|
|
Просмотров: 655 |
Добавил: Voskanapat
| Рейтинг: 0.0/0 |
