Блог
Главная »
2011 » Июнь » 10 » ՀՀ պաշտպանության նախարարն ընդունել է Եվրամիության պատվիրակությանը
16:08 ՀՀ պաշտպանության նախարարն ընդունել է Եվրամիության պատվիրակությանը |
ՀՀ պաշտպանության նախարար Սեյրան Օհանյանը հունիսի 10-ին ընդունել է ԵՄ արտաքին գործերի եվրոպական ծառայության Ռուսաստանի, Արևելյան Հարևանության և Արևմտյան Բալկանների հարցերով կառավարիչ տնօրեն Միրոսլավ Լայչեկին:
Հանդիպման ժամանակ քննարկվել են Եվրամիության հետ պաշտպանության ոլորտում համագործակցության հարցեր:
Կարևորելով Եվրամիության հետ համագործակցության զարգացումը` Սեյրան Օհանյանը նշել է, որ Հայաստանի կողմից վարվող պաշտպանական քաղաքականությունը համահունչ է ԵՄ Եվրոպական հարևանության նոր և հավակնոտ քաղաքականության հռչակած արժեքներին և ավելացրել, որ Լեռնային Ղարաբաղի Հանրապետության պաշտպանության բանակը նույնպես ընթանում է բարեփոխումների ճանապարհով, որի արդյունքում ԼՂՀ-ում անխակացումից ի վեր ստեղծված են զինված ուժերի նկատմամբ ժողովրդավարական և քաղաքացիական վերահսկողության գործուն մեխանիզմներ:
Հյուրի խնդրանքով պաշտպանության նախարարը ներկայացրել է իրադրությունը հայկական և ադրբեջանական զորքերի շփման գծում: Այս մասին հայտնում են ՀՀ պաշտպանության նախարարության տեղեկատվության և հասարակայնության հետ կապերի վարչությունից:
/Panorama.am/
|
|
Просмотров: 551 |
Добавил: Voskanapat
| Рейтинг: 0.0/0 |
