Блог
Главная »
2011 » Июнь » 20 » Համահայկական 5-րդ խաղերը կկայանան օգոստոսի 13- 21-ը
18:00 Համահայկական 5-րդ խաղերը կկայանան օգոստոսի 13- 21-ը |
Համահայկական խաղերի համաշխարհային կոմիտեի նախագահ Իշխան Զաքարյանն այսօր աշխատանքային խորհրդակցություն է անցկացրել մարզպետարանների ու քաղաքապետարանների պատասխանատուների հետ, որին մասնակցել է նաեւ ՀՀ սպորտի եւ երիտասարդության հարցերի նախարար Արթուր Պետրոսյանը: Ինչպես «Արմենպրես»-ին տեղեկացրել են Համահայկական խաղերի համաշխարհային կոմիտեից, խորհրդակցության ընթացքում քննարկվել են 5-րդ համահայկական խաղերի նախապատրաստական աշխատանքների հետ կապված խնդիրներ: Ի. Զաքարյանը տեղեկացրել է, որ օգոստոսի 13- 21-ը կայանալիք 5-րդ համահայկական խաղերին ներկայացված է 10-ը մարզաձեւ: Կոմիտեի նախագահը ՏԻՄ ներկայացուցիչներին ներկայացրել է նախորդ չորս խաղերի մասնակից քաղաքների ընդգրկվածության դինամիկան եւ հորդորել է 5-րդ հոբելյանական խաղերին բարձրացնել մասնակցության ցուցանիշը: Նա շեշտել է, որ այս խաղերի գերնպատակը Հայաստան-Սփյուռք կապի ամրապնդումն ու աշխարհասփյուռ հայության համախմբումն է: Ողջունելով հայաստանյան 48 մասնակից քաղաքների քաղաքապետերին` ՀՀ սպորտի եւ երիտասարդության հարցերի նախարար Արթուր Պետրոսյանը շեշտել է, որ անկախ սպորտում ցուցաբերած արդյունքներից, այս խաղերում խիստ կարեւոր է մասնակցությունը:
/Times.am/
|
|
Просмотров: 570 |
Добавил: Voskanapat
| Рейтинг: 0.0/0 |
