Блог
Главная »
2011 » Июнь » 21 » Ֆաթուլաևը ԵԽԽՎ քաղբանտարկյալների գծով զեկուցող Քրիստոֆ Շտրասերին հրավիրել է Ադրբեջան
17:33 Ֆաթուլաևը ԵԽԽՎ քաղբանտարկյալների գծով զեկուցող Քրիստոֆ Շտրասերին հրավիրել է Ադրբեջան |
«Ադրբեջանցի նախկին քաղբանտարկյալ, լրագրող Էյնուլլա Ֆատուլաևը Եվրախորհրդի հրավերով այս օրերին գտնվում է Ստրասբուրգում, որտեղ հանդիպումներ է ունենում այդ կառույցի տարբեր պաշտոնյաների հետ,- հայտնում է «Կավկազսկի ուզել» գործակալությունը:
Լրագրողը հանդիպել է Եվրոպայի խորհրդի մարդու իրավունքների հանձնակատար Թոմաս Համմերբերգի հետ, ով մինչ այդ` 2007 և 2010թթ-ին այցելել էր նրան բանտում գտնվելու ժամանակ: Ֆաթուլաևը շնորհակալություն է հայտնել Թոմաս Համմերբերգին Ադրբեջանում մարդու իրավունքների պաշտպանության, ինչպես նաև իր ազատ արձակման գործում ներդրած ջանքերի համար:
Աղբյուրի փոխանցմամբ, Ֆատուլաևը հանդիպում է ունեցել նաև ԵԽԽՎ քաղբանտարկյալների գծով զեկուցող Քրիստոֆ Շտրասերի հետ: Շտրասերը հայտարարել է, որ Ադրբեջանի իշխանությունները խոչընդոտում են իր առաքելության իրականացմանը: Ֆաթուլաևը իր հերթին ԵԽ-ի պաշտոնյաին հրավիրել է Ադրբեջան և նշել.
«Եթե իշխանությունները չեն ցանկանում ձեզ տեսնել Ադրբեջանում որպես համազեկուցող, ապա ես ձեզ հրավիրում եմ, որպես իմ հյուր և տեղում կծանոթացնեմ Ադրբեջանում քաղբանտարկյալների վիճակին»:
Ըստ Ֆաթուլաևի, իրենք մտքեր են փոխանակել քաղբանտարկյալների խնդիրների, ինչպես նաև Ադրբեջանի հասարակության ժողովրդավարության մակարդակի բարձրացման անհարժեշտության մասին:
Հիշեցնենք, որ Ադրբեջանի նախագահի աշխատակազմի իրավապահ մարմինների հետ աշխատանքի հարցերով բաժնի վարիչ Ֆուադ Ալեսկերովը հայտարարել է, թե ԵԽԽՎ քաղբանտարկյալների գծով զեկուցող Քրիստոֆ Շտրասերի Ադրբեջան ժամանելու «կարիք չկա»:
Նշենք, որ համաձայն Ադրբեջանի իրավապաշտպան կազմակերպությունների մոնիտորինգային խմբի, Ադրբեջանի նախագահի համաներումից հետո երկրում քաղբանտարկյալների թիվը կրճատվել է 15-ով: Սակայն կազմակերպության ներկայացուցիչները կարծում են, որ վերջերս երիտասարդ ընդդիմադիր ակտիվիստների ձերբակալությունների հետ կապված քաղբանտարկյալների թիվը կարող է կտրուկ ավելանալ:
/Panorama.am/
|
|
Просмотров: 521 |
Добавил: Voskanapat
| Рейтинг: 0.0/0 |
