Блог
Главная »
2010 » Июль » 8 » Facebook–ի պատերազմն ավարտվեց. մերոնք հաղթում են
10:24 Facebook–ի պատերազմն ավարտվեց. մերոնք հաղթում են |
Երեկ օրվա երկրորդ կեսին վերջապես հաջողվեց կասեցնել Facebook սոցիալական ցանցի հայերեն տարբերակի դեմ ադրբեջանական ագրեսիան։ Մի քանի օր տևած պայքարում հնարավոր եղավ ջարդել հակառակորդին՝ շնորհիվ ներցանցային բարձր մոբիլիզացիայի, ինչպես նաև էլեկտրոնային լրատվամիջոցների աջակցության, որը զգալիորեն բարձրացրեց խնդրի վերաբերյալ հանրային իրազեկվածությունը։
Խնդրի լուծման նպատակով ստեղծվեցին մի շարք խմբեր և էջեր, իսկ արդեն գործող մեծ խմբերից շատերը առավելագույնս օգտագործեցին իրենց ռեսուրսը ողջ հայկական Ֆեյսբուքը ոտքի հանելու նպատակով։
Մեր հայրենակիցները երեկ հայտնաբերել են ադրբեջանաթուրքական այն խումբը, որը համակարգված կերպով օրեր շարունակ հարձակվում էր ֆեյսբուքի տեղայնացման հայերեն բառացանկի վրա։ Արդյունքում պարզվել է, որ մի քանի հարյուր հոգուց բաղկացած էջում գործել են հետևյալ սկզբունքով. փնտրել են առավել տեսանելի էջերում գտնվող հաճախ հանդիպող բառերն ու բառակապակցությունները, որպես դրանց թարգմանության նոր տարբերակ ավելացրել սեփական հիմարությունները, ապա համապատասխան հղումները հերթով տեղադրել իրենց էջում՝ կոչ անելով մտնել և քվեարկել։ Հենց նույն սկզբունքով էլ հայ օգտատերերը կազմակերպեցին հակագրոհը, որի արդյունքում այսօրվա դրությամբ թուրքմանությունները (հայ բլոգգերներից մեկի բնորոշումը) գրեթե ամբողջությամբ հաղթահարված են։
Ուշագրավ է, որ չնայած հայ ֆեյսբուքականների բազմաթիվ բողոքներին, աշխարհի ամենամեծ ցանցի ադմինիստրացիան կարծես դեռ չի արձագանքել խնդրին։ Նվազագույնը, որ այս դեպքում կարող է անել Ֆեյսբուքի կենտրոնակայանը, հուլիս ամսին ավելացված բոլոր ոչ հայատառ տարբերակները վերացնելն է և նորերը արգելափակելը։
/Tert.am/
|
|
Просмотров: 577 |
Добавил: Voskanapat
| Рейтинг: 0.0/0 |
