Блог
Главная »
2010 » Июль » 28 » Երևանին ու Անկարային «թեժ սեպտեմբեր» է սպասում
15:31 Երևանին ու Անկարային «թեժ սեպտեմբեր» է սպասում |
PanARMENIAN.Net - Սեպտեմբերին հայ-թուրքական հարաբերությունների կարգավորման գործընթացում որոշակի առաջխաղացում կարող է գրանցվել: Ինչպես Երևանում կայացած մամլո ասուլիսում հայտարարել է թուրքագետ Արտակ Շաքարյանը, իրական քայլեր Արձանագրությունների վավերացման ուղղությամբ չեն արվի, սակայն Անկարան կցանկանա աշխարհին ցույց տալ, որ քայլեր է ձեռնարկում Երևանի հետ բարիդրացիական հարաբերություններ հաստատելու համար:
Մեկնաբանելով ընթացիկ տարվա սեպտեմբերին Հայաստանում կայանալիք ՆԱՏՕ-ի զորավարժություններին մասնակցող թուրքական պատվիրակության համար հայ-թուրքական սահմանը բացելու հնարավորության մասին հաղորդագրությունները` Արտակ Շաքարյանն ընդգծեց, որ նման հավանականությունը շատ փոքր է և կախված է սեպտեմբերին Թուրքիայում կայանալիք սահմանադրական բարեփոխումների վերաբերյալ հանրաքվեի ելքից: Ինչպես ընդգծել է թուրքագետը, սեպտեմբերը «թեժ է լինելու» Երևանի ու Անկարայի համար:
/Panarmenian.net/
|
|
Просмотров: 647 |
Добавил: Voskanapat
| Рейтинг: 0.0/0 |
