Блог
Главная »
2011 » Июнь » 21 » ԵՄ փորձագետ. Ադրբեջանում քաղաքացիական հասարակության ձևավորումը անհրաժեշտություն է
17:23 ԵՄ փորձագետ. Ադրբեջանում քաղաքացիական հասարակության ձևավորումը անհրաժեշտություն է |
Ադրբեջանում Եվրամիության ներկայացուցչությունը և երկրի ՀԿ ֆորումը քաղաքացիական հասարակության ներկայացուցիչների համար «Ադրբեջանի ՀԿ-ների գործունեության ասպարեզը» թեմայով սեմինար են անցկացրել: Այս մասին տեղեկացնում է «Թուրան» լրատվական գործակալությունը
Երկկողմ սեմինարի ընթացում քննարկվել են ցույցերի ազատության իրացման չափանիշները, ՀԿ-ների ներուժի ամրացումը, փորձի փոխանակումը, Եվրամիության երկրներում ՀԿ-ների և իշխանությունների հետ երկխոսությունը:
Ադրբեջանի ԱԳՆ Մարդու իրավունքների դեպարտամենտի ղեկավար Ալիմիրզամին Ասկերովն ասել է, որ Բաքվի և Բրյուսելի միջև բանակցությունների արդյունքում ստեղծվել է Մարդու իրավունքների ենթահանձնաժողով: Նա նաև ընդգծել է այս ասպարեզում Եվրամիության փորձի ուսումնասիրության և կիրառման օգտակարությունը:
Ադրբեջանում Եվրամիության նրկայացուցչության քաղաքականության, մամուլի և տեղեկատվության բաժնի ղեկավար Ջերոմ Փոնսը հաղորդել է, որ Եվրամիությունը տարածաջրջանում նշված ասպարեզում հետևողական քաղաքականություն է իրականացնում:
Համապատասխան սեմինարներ անցկացվել են նաև 2009 թ-ին Հյաստանում և 2010 թ-ին` Վրաստանում:
«ԵՄ-ի համար շատ կարևոր է Ադրբեջնում քաղաքացիական հասարակության զարգացումը», - ասել է Փոնսը: Նա հույս է հայտնել, որ ներկայիս սեմինարը Ադրբեջանում քաղաքացիական հասարակության զարգացման հեռանկարների տեսանկյունից օգտակար կլինի:
Իրավունքի ոլորտում շվեդ փորձագետ, պրոֆեսոր Սանդգրեն Կլաեսն (Sandgren Klaes) ընդգծել է, որ պետության կողմից մարդու իրավունքների ոլորտում պարտականությունների ընդունումը բավարար չէ, դրանք անհրաժեշտ է կիրառել:
Որպես օրինակ, նա մատնանշել է ՄԱԿ-ի Մարդու իրավունքների հռչակագիրը և այլ միջազգային փաստաթղթեր, որոնց շրջանակներում ստանձնած պարտավորություններով ապահովվում է ցույցերի ազատությունը: Նույնը վերաբերում է նաև խոսքի և այլ ոլորտների ազատության պարտավորություններին:
/Panorama.am/
|
|
Просмотров: 512 |
Добавил: Voskanapat
| Рейтинг: 0.0/0 |
