Блог
Главная »
2010 » Июль » 7 » Է. Շարմազանով. «Կարիք չկա լուրջ ընդունել Ալիևին»
11:27 Է. Շարմազանով. «Կարիք չկա լուրջ ընդունել Ալիևին» |
Անդրադառնալով Ադրբեջանի նախագահ Իլհամ Ալիևի օրերս արած հայտարարությանը՝ ՀՀԿ խմբակցության քարտուղար Էդուարդ Շարմազանովն ասել է. «Մի քանի էջանոց ձանձրացնող ելույթից պարզ է դառնում, որ Ադրբեջանի սուլթանը փաստերը կեղծելու եւ սուտը ճշտի տեղ անցկացնելու իր ունակությամբ շուտով աշխարհում նոր նոմինացիա կսահմանի հեքիաթասացության բնագավառում: Միայն թե Ալիեւ սուլթանի հեքիաթները ոչ մեկին պետք չեն. դրանք անփառունակ են, ինչպես իր նախորդների հայտարարությունները:
Ինքն իր հետ բանակցած Ալիեւ փոքրիկը չի ցանկանում ի վերջո հասկանալ, որ ԼՂ-ի կարգավորման շուրջ համանախագահների կողմից առաջարկված սկզբունքներում հստակ նշված է, որ ԼՂ-ի ժողովուրդը պետք է որոշի իր ճակատագիրը:
Արցախյան հակամարտության վերաբերյալ նրա սուտն առավել քան բացահայտ է դառնում, երբ նա նշում է, որ հայերը Արցախ են եկել 19-րդ դարասկզբին: Չցանկանալով հղում անել ոչ միայն հայ, այլ նաեւ աշխարհահռչակ օտարազգի պատմիչներին, ձախողված եւ անգրագետ դիվանագետին ընդամենը խորհուրդ կտայի Հռոմ այցելելիս նեղություն կրել եւ դիտել Ֆորումի պատին քանդակված հին աշխարհի քարտեզը, որտեղ «Արմենիա» երկրի սահմաններում նշված է նաեւ պատմական Արցախը: Հեքիաթասաց Ալիեւին հիշեցնեմ, որ իր հայրենի Ադրբեջանը որպես պետություն ձեւավորվել է դրանից մոտ 2 հազարամյակ անց:
Այս ամենից հետո կարիք չկա լուրջ ընդունել կամ որեւէ կերպ հակադարձել Ալիեւին»:
/7or.am/
|
|
Просмотров: 540 |
Добавил: Voskanapat
| Рейтинг: 0.0/0 |
