Блог
Главная »
2011 »
Июнь »
21 » Դ. Կարապետյան. ՊՆ-ն լիովին կատարել է իր ֆինանսական պարտավորությունները
17:16 Դ. Կարապետյան. ՊՆ-ն լիովին կատարել է իր ֆինանսական պարտավորությունները |
«Պաշտպանության նախարարությունը քանիցս արձագանքել է մամուլում տարածվող այն տեղեկություններին, թե իբր նախարարությունը Ազատան գյուղի բնակիչներին կարտոֆիլի դիմաց վճարում չի կատարել: Խնդրի վերաբերյալ Ազատան գյուղի բնակիչները ևս գրավոր դիմել են պաշտպանության նախարարությանը: 2011թ. մարտի 4-ին նախարարության կողմից հիմնավոր և սպառիչ գրավոր պատասխան է տրվել Ազատանի գյուղապետին»,- մեկնաբանելով մամուլում տարածված տեղեկությունն այն մասին, թե Շիրակի մարզում կարտոֆիլի արտադրությամբ հայտնի Ազատան համայնքի բնակիչները 3-րդ տարին է՝ պաշտպանության նախարարությանը մթերած կարտոֆիլի դիմաց գումարներ ստանալ չեն կարողանում՝ Panorama.am-ի հետ զրույցում պարզաբանեց ՀՀ ՊՆ մամուլի խոսնակ Դավիթ Կարապետյանը:
Նրա խոսքերով, զարմանալի է, որ այդ պարզաբանումներից հետո գյուղապետը իր ղեկավարած համայնքի բնակիչների շահերը պաշտպանելու համար ոչ թե դիմել է դատական մարմիններին, այլ նախընտրում է լրատվամիջոցներով պարզապես հարցին հանրային հնչեղություն հաղորդել:
«Տեղեկացնում եմ, որ պաշտպանության նախարարությունը լիովին կատարել է իր ֆինանսական պարտավորությունները` իր հետ պայմանագրային պարտավորությունների մեջ գտնվող բոլոր իրավաբանական և ֆիզիկական անձանց նկատմամբ, որոնք 2007թվականին մրցութային կարգով կարտոֆիլ են մատակարարել նախարարությանը: Եթե որևէ մատակարար չի կատարել որևէ գյուղացու նկատմամբ ստանձնած իր պարտավորությունները, ապա, տուժած կողմը կարող է դատական ճանապարհով պաշտպանել իր իրավունքները և վերականգնել պատճառված վնասը»,- հավելեց պարոն Կարապետյանը:
/Panorama.am/
|
|
Просмотров: 383 |
Добавил: Voskanapat
| Рейтинг: 0.0/0 |
