Блог
Главная »
2011 » Июнь » 10 » «Ազադլիգ». Բաքուն Կոսովոյի և Ղարաբաղի միջև նույնություն է տեսնում
16:35 «Ազադլիգ». Բաքուն Կոսովոյի և Ղարաբաղի միջև նույնություն է տեսնում |
Օրերս Սերբիա կատարած այցի ժամանակ Ադրբեջանի նախագահ Իլհամ Ալիևը հայտարարել է. «Սերբիան էլ Ադրբեջանի պես տուժում է անջատողականությունից: Մենք հույս ունենք, որ ձեր տարածքային ամբողջականությունն էլ կվերականգնվի»:
«Ազադլըգը» գրում է, որ առաջին հայացքից իդեալիստական այդ հայտարարությունը քաղաքական տեսակետից բավականին «վտանգավոր և չհաշվարկված» հայտարարություն է Ադրբեջանի համար: Այդ հայտարարությունը նշանակում է, որ պաշտոնական Բաքուն նույնականացնում է Կոսովոյի և Ղարաբաղի հակամարտությունները:
«Ավելին, Կոսովոյում ադրբեջանցի խաղաղապահներին հետ կանչելով` Բաքուն ցուցադրեց, որ Կոսովոյի և Ղարաբաղի միջև նույնություն է տեսնում, և իր այդ քայլով բողոքում է Կոսովոյի հակամարտության` նման լուծման դեմ: Այս անգամ այդ երկու հակամարտությունների նկատմամբ զուգահեռն անցկացնում է Ադրբեջանի ղեկավարը», -գրում է «Ազադլիգը»` նշելով, որ Ալիևի այդ հայտարարությունից հետո միջազգային հանրությունը կարող է մտածել, որ Լեռնային Ղարաբաղի խնդիրը պետք է լուծել Կոսովոյի օրինակով:
/Panorama.am/
|
|
Просмотров: 643 |
Добавил: Voskanapat
| Рейтинг: 0.0/0 |
