Блог
Главная »
2011 » Июнь » 15 » Ալ. Մանասյան. «Արցախն իրականում միշտ էլ մասնակցել է բանակցություններին»
17:28 Ալ. Մանասյան. «Արցախն իրականում միշտ էլ մասնակցել է բանակցություններին» |
«Վաղուց պետք է այդ հարցը բարձրացվեր: Պետք է հասկանալ, որ այսօրվա բանակցային խեղված ձեւաչափն ամենեւին չի նշանակում, թե Արցախը բանակցային կողմ չէ, քանի որ ԵԱՀԿ Մինսկի Խմբի համանախագահները տարածաշրջան այցելելիս գնում են նաեւ Ստեփանակերտ եւ ըստ էության բանակցությունները շարունակում Ստեփանակերտում,» նշեց «Քաղաքական հետազոտությունների ակադեմիա» հասարակական կազմակերպության (ՀԿ) նախագահ, քաղաքագետ Ալեքսանդր Մանասյանը` պատասխանելով Times.am-ի թղթակցի այն հարցին, թե որքան նպատակահարմար է Արցախի` բանակցային գործընթացին վերադառնալը:
«Ի սկզբանե ԵԱՀԿ-ի կողմից սահմանված ձեւաչափում բանակցություններին պետք է մասնակցեր նաեւ հատուկ ներկայացուցիչ Արցախից, եւ ԵԱՀԿ-ի կողմից երբեւէ բանակցությունների ֆորմատի փոփոխության մասին քննարկում չի եղել: Այսինքն, բանակցությունները պետք է շարունակվեն այն ձեւաչափով, որը սահմանվել է ԵԱՀԿ-ի կողմից գրեթե քսան տարի առաջ,» նշեց մեր զրուցակիցը:
Ըստ քաղաքագետի, այստեղ առկա է կարեւոր մի հանգամանք. Ադրբեջանի համար հոգեբանական խնդիր է դեմ առ դեմ բանակցել Արցախի հետ: «Սակայն եթե Ադրբեջանը ցանկանում է հարցին որեւէ լուծում տալ, պետք է հաղթահարի դա եւ դեմ առ դեմ բանակցի Արցախի հետ,» ամփոփեց Մանասյանը:
/Times.am/
|
|
Просмотров: 541 |
Добавил: Voskanapat
| Рейтинг: 0.0/0 |
