Блог
Главная »
2011 » Июнь » 20 » Ադրբեջանագետ. «Պատերազմի վերսկսումն ավելի հավանական է»
17:50 Ադրբեջանագետ. «Պատերազմի վերսկսումն ավելի հավանական է» |
Ադրբեջանահայերի ասամբլեայի նախագահ, ադրբեջանագետ Գրիգորի Այվազյանը հայտարարել է, որ ադրբեջանահայ փախստականների խնդրի լուծումը սերտորեն կապված է Լեռնային Ղարաբաղի հարցի լուծման հետ։ ՀՀ բնակչության 10%-ը ադրբեջանահայեր են։ Լեռնային Լարաբաղի համակարտության հետևանքով 1 միլիոն ադրբեջանահայ է լքել իր տունը, որոնցից՝ 360.000 ապաստան են գտել Հայաստանում։ «Համանախագահող երկրները փախստականների հարցի լուծման բավական հետաքրքիր տարբերակներ են առաջ քաշում։ Մադրիդյան սկզբունքներում և դրանից հետո հրապարակված բոլոր հռչակագրերում այն տեսակետն են արտահայտում, որ փախստականների հարցը պետք է լուծվի նրանց իրենց նախկին բնակավայրեր վերադառնալու ճանապարհով։ Մենք պատրաստ ենք վերադառնալ, բայց արդյո՞ք պատրաստ են դրան Ադրբեջանում»,- ասել է Գրիգորի Այվազյանը և շեշտել, որ այդ մարդկացն՝ առավելապես ադրբեջանահայերի անվտանգությունը պետք է ապահովեն միջնորդ երկրները՝ համաձայն իրենց իսկ հայտարարության։ Լեռնային Ղարաբաղի հակամարտության լուծման շուրջ ադրբեջանագետի կարծիքով գոյություն ունի երկու սցենար՝ մեկ ելքով։ Կամ Ադրբեջանը պիտի հաշտվի խաղաղ ճանապարհով, կամ պատերազմի գնով կհանգենք այն բանին, որ աշխարհը ճանաչի Լեռնայի Ղարաբաղի անկախությունը: Գրիգորի Այվազյանը ավելի հավանական է համարում պատերազմի վերսկսումը։
/Times.am/
|
|
Просмотров: 544 |
Добавил: Voskanapat
| Рейтинг: 0.0/0 |
