Блог
Главная »
2010 » Июль » 15 » Ա.Պապյան. Հայկական կողմը կարող է միջազգային դատարան դիմել
17:14 Ա.Պապյան. Հայկական կողմը կարող է միջազգային դատարան դիմել |
Հենվելով միջազգային իրավունքի վրա` հայկական կողմը պետք է հստակորեն հարցականի տակ դնի Ադրբեջանի որևէ իրավասություն Ղարաբաղի վրա: Այդ տեսակետն այսօր քննարկման ժամանակ հայտնեց նախկին դեսպան, Մոդուս Վիվենդի կենտրոնի ղեկավար Արա Պապյանը: Փորձագետի կարծիքով` խոսելով զիջումների գնալու հավանականության մաիսն, հայկական կողմը միայն ուժեղացնում է ադրբեջանական կողմի դիրքերը` հնարավորություն ընձեռելով նոր պահանջներ ներկայացնել:
«Ադրբեջանը շարունակում է խոսել միայն իր պետության կազմում Լեռնային Ղարաբաղին ինքնավար կարգավիճակ տալու մասին, այն դեպքում, որ զիջումների գնալու պատրաստակամության մասին մեր հայտարարությունները խնդիրը փոխում են Արցախի լիիրավ անկախությունը պահանջելու հրամայականից մինչև ազատագրված տարածքներ վերադարձնելու հարցը»,- նկատեց բանախոսը և հավելեց, որ հայկական կողմը պետք է հստակեցնի իր դիրքորոշումները կարգավորման լուծման իր տարբերակի վերաբերյալ:
Նախկին դեսպանի կարծիքով, հարկավոր է, որ հայկական կողմը դիմի միջազգային իրավունքի մի քանի հեղինակավոր մասնագետների, որպեսզի նրանք հստակեցնեն հիմնախնդրի բովանդակությունը` «արդյո՞ք երբևէ անկախ Ադրբեջանի գերակայությունը եղե՞լ է ամրագրված Լեռնային Ղարաբաղի վրա»:
«Միջազգային մեծ հեղինակություն ունեցող այդ մասնագետների գնահատականը հիմք կլինի ԵԱՀԿ Մինսկի խմբի համանախագահների համար»,- ասաց նա, հավելելով, որ հայկական կողմն այդ հարցով կարող է նաև միջազգային դատարան դիմել: Բանախոսը վստահեցրեց, որ անկախ փորձագետների գնահատականը միանշանակ կլինի այն, որ Լեռնային Ղարաբաղը անկախ Ադրբեջանի կազմում երբևիցե չի եղել, իսկ Խորհրդային Ադրբեջանի կազմում ինքնավար մարզի կարգավիճակով լինելը զուտ ԽՍՀՄ վարչա-տարածքային բաժանման հետևանք էր:
/Aysor.am/
|
|
Просмотров: 619 |
Добавил: Voskanapat
| Рейтинг: 0.0/0 |
