Ադրբեջանի կողմից դիվերսիոն գործողությունները շարունակվելու են, քանի որ Ադրբեջանին մնացել է միայն ու միայն այդ վերջին լծակը` ազդեցություն ունենալու ԼՂ խնդրի կարգավորման գործում: «Պատերազմի սպառնալիքը ռեալ, իրագործելի ցույց տալու համար են դրանք, որևէ այլ ռեսուրս Ադրբեջանը չունի իրավական դաշտում` Կոսովոյի, Աբխազիայի, Օսեթիայի, Հարավային Սուդանի նախադեպերից հետո»,-այսօր լրագրողների հետ հանդիպմանը նման կարծիք հայտնեց «Կովկաս» ինստիտուտի փոխտնօրեն, քաղաքագետ Սերգեյ Մինասյանը:
Շարունակելով վերլուծությունը, քաղաքագետը նշեց, որ պատերազմի սպառնալիքն ամենևին էլ չի նշանակում, որ պատերազմ կլինի. «Ավելին, եթե նայենք համաշխարհային պատմությանը, ապա կտեսնեք, որ այն երկրները, որոնք իսկապես պատրաստ են պատերազմի, պարզապես սկսում են»:
Ադրբեջանի կողմից անընդհատ հնչող ռազմատենչ հայտարարություններից, ըստ Մինասյանի, կարելի է ենթադրել, որ այդ երկիրը չի կարող պատերազմ սկսել, բայց իրատեսական էլ չէ, որ Իլհամ Ալիևը վաղը կհրաժարվի այդ քաղաքականությունից, քանի որ ալիևյան կլանի համար, ինչպես նկատեց Մինասյանը, ինքնասպանության նման բան կլինի:
/panorama.am/
|