Միջազգային իրավապաշտպան կազմակերպությունների կոալիցիան դատապարտում է Սումգայիթյան դատարանի՝ երիտասարդ ակտիվիստ և բլոգեր Ջաբբար Սավալանին 2.5 տարվա ազատազրկման ենթարկվել վճիռը: Այս մասին տեղեկացնում է «Թուրան» լրատվական գործակալությունը:
Նշենք, որ վերջինիս անազատության է դատապարտվել թմրանյութեր օգտագործելու շինծու մեղադրանքով: Միջազգային կազմակերպությունենրի կոալիցիան համարում է, որ դատավճռի հիմքում քաղաքական դրդապատճառներ են:
Հայտարարության մեջ նշվում է, որ Սավալանն առաջին գերակտիվիստներից մեկն է եղել, ով արաբական հեղափոխության և ժողովրդավարական բողոքի ալիքների տարածումից հետո Ադրբեջանում ենթարկվել է հետապնդումներ:
Միջազգային կազմակերպությունների կոալիցիան անհանգստացած է այն հանգամանքով, որ Ադրբեջանում երիտասարդ ակտիվիստները շարունակ ենթարկվում են հետապնդումների և պահանջում է անհապաղ ազատ արձակել Սավալանին ու վերջ դնել ազատ արտահայտման նկատմամբ բանեցվող ճնշումներին:
«Ջամբար Սավալանի դատապարտումն ակնհայտ կերպով ապացուցում է, թե Ադրբեջանում որքան վտանգավոր է քննդատել իշխանություններին և բողոքի ցույցեր կազմակերպել,- ասել է «Article 19» միջազգային կազմակերպության գործադիր տնօրենը Ագնես Կալամարդը: (Agnes Callamard):
Փետրվարի 5-ին Սավալանի ձերբակալումից հետո, իշխանությունները ձերբակալել են տասնայակ երիտասարդների, ովքեր մասնակցել են Facebook և այլ սոցիալական ցանցերում տարածված կոչերին:
«Նրանցից շատերի դեմ քրեական գործ է հարուցվել, իսկ շատերին, ինչպես օրինակ Բախտյար Գաջիևի դատավճիռը դեռևս չի կայացել»,- նշվում է հայտարարության մեջ:
Հայտարարությունը ստորագրել են «Article 19», Մարդու իրավունքների տուն հինադրամը, Նորբեգիայի հելիսինկյան հանձնաժողովը և Մամուլի այլակարծության ինստիտուտը:
/Panorama.am/
|