Блог
Главная »
2011 » Февраль » 7 » Ժնևում Ցեղասպանության հուշակոթողի բացումը նախատեսված է 2013թ-ի ապրիլի 24-ին
17:24 Ժնևում Ցեղասպանության հուշակոթողի բացումը նախատեսված է 2013թ-ի ապրիլի 24-ին |
Շվեյցարիայում Հայաստանի դեսպան Շառլ Ազնավուրը փետրվարի 5-ին մասնակցել է Ժնև քաղաքում Հայոց ցեղասպանության զոհերի հիշատակի հարգման հուշակոթողի տեղադրման աշխատանքային խմբի հանդիպմանը, որի ընթացքում ներկայացվել է հուշակոթողի նախագծի ընտրության համար հայտարարված միջազգային մրցույթի արդյունքում հաղթող ճանաչված հեղինակի` Մելիք Օհանյանի նախագիծը, տեղեկանում ենք ԱԳՆ լրատվական ծառայությունից:
Դեսպան Ազնավուրը բարձր է գնահատել Ժնևի քաղաքային իշխանությունների ուշադրությունը հայկական համայնքի նկատմամբ, որի լավագույն արտահայտությունն է նաև հուշակոթողի տեղադրման նախաձեռնության հարցում ցուցաբերած պատրաստակամությունը և միջազգային մրցույթի անցկացման համար իրականացված աշխատանքներն ու հատկացված միջոցները:
Հուշակոթողի պաշտոնական բացումը նախատեսվում է 2013 թվականի ապրիլի 24-ին` Ժնևի կենտրոնական հանրային պուրակներից մեկում: Նշենք, որ աշխատանքային խումբը կազմված է Ժնևի քաղաքապետարանի երեք ծառայությունների` մշակութային, քաղաքաշինության ու կառուցապատման և ճարտարապետական վարչությունների, Ժնևի ժամանակակից արվեստի հիմնադրամի, Շվեյցարիայի հայկական համայնքի և Շվեյցարիայում Հայաստանի դեսպանության ներկայացուցիչներից:
/Panorama.am/
|
|
Просмотров: 444 |
Добавил: Voskanapat
| Рейтинг: 0.0/0 |
