Ադրբեջանի կառավարությունը, եթե շարունակի հեջաբի արգելման քաղաքականությունը, ապա նույն ճակատագրին կարժանանա, ինչին ժամանակին Իրանի Ռեզա Շահն արժանացավ: Այդ մասին իրանական «Արան» լրատվական գործակալությանը տված հարցազրույցում նշել է Իրանի Մեջլիսի պատգամավոր Ղեֆար Էսմայիլին:
«Մարդու իրավունքների միջազգային նորմերի համաձայն, պետք է Ադրբեջանից պահանջել, որպեսզի ապահովի իր քաղաքացիների խղճի և հավատքի ազատությունը, եթե ոչ, ապա ժողովրդական հուզումների արդյունքում խայտառակ պարտություն կկրի»,-նկատել է իրանցի պատգամավորը:
Հիշեցնենք, որ վերջերս Իրանի Մեջլիսի ազգային անվտանգության և արտաքին քաղաքականության հանձնաժողովի անդամ Հոսեյն Էբրահիմին, խիստ քննադատելով Ադրբեջանի ղեկավարությանը, նշել էր. «Ադրբեջանի նման երկրները մեծ սխալ են գործում, երբ հաշվի չեն նստում ժողովրդի կարծիքի հետ, իսկ ժողովուրդն էլ չի զգում պետական աջակցություն: Նմանատիպ երկրները վաղ թե ուշ կործանվում են, ինչպես կատարվեց Թունիսի պարագայում»:
/Panorama.am/
|