Այսօր Սումգայիթի քաղաքային դատարանը ազատազրկման է դատապարտել Ադրբեջանի Ժողճակատ կուսակցության երիտասարդ ակտիվիստ Ջաբբարու Սավալանին: Այս մասին տեղեկացնում է «Թուրան» լրատվական գործակությունը:
Դատարանը նրան մեղավոր է ճանաչել թմրադեղեր ապօրինի պահելու մեջ և դատապարտել 2,5 տարի ազատազրկման` դատախազի` 3 տարի ազատազրկման պահանջի փոխարեն:
«Այսօր միաժամանակ հաց և ազատություն են բաժանում: Ես նախընտրում եմ ազատությունը, չնայած այն հանգամանքին, որ ինձ բանտ են նետում: Չնայած այդ ամենին, ես ինձ ավելի լավ եմ ձգում», - իր վերջին խոսքում ընդգծել է Սավալանը:
Հարկ է նշել, որ դատավորի վճիռը կարդալիս Սավալանի կողմնակիցերը սկսել են աղաղակել` «Ամո՛թ դատարանին» և «Ազատություն Սավալանին»: Ինչից հետո ոստիկանները և քաղաքացիական հագուստով անձինք ձերբակալել են երիտասարդ ընդդիմադիրներին, այդ թվում՝ Ադրբեջանի Ժողճակատ կուսակցության երիտասարդական թևի առաջնորդ Աբույֆազա Գուրբանլիին:
Վերջինից խլել են տեսախցիկը և ծեծի ենթարկել: Ճնշում է գործադրվել նաև լրագրողների վրա, մասնավորապես` «Ազատություն» ռադիոկայանի լրագրողի վրա, որի տեսախցիկը նույնպես խլել են:
Կարելի է վստահաբար հաստատել, որ Սավալանի ձերբակալությունով Ադրբեջանում քաղբանտարկյալների ցուցակը համալրվել է ևս մեկով:
Հիշեցնենք, որ Ջաբբար Սավալանը ձերբակալվել է փետրվարի 5-ին Սումգայիթում ապօրինի թմրադեղերի պահման համար, բայց նրա հետապնդման իրական պատճառը եղել է ընդդիմության բողոքի ցույցերին ակտիվորեն մասնակցելը:
/Aysor.am/
| 
