Блог
Главная »
2011 »
Май »
7 » Ադրբեջանի Մարդու իրավունքների ակումբը պահանջում է ազատ արձակել Ջաբար Սավալանին և Վիդադի Իսկենդերովին
16:15 Ադրբեջանի Մարդու իրավունքների ակումբը պահանջում է ազատ արձակել Ջաբար Սավալանին և Վիդադի Իսկենդերովին |
Ադրբեջանի Մարդու իրավունքների ակումբը (ՄԻԱ) խստորեն դատապարտել է Ադրբեջանի Ազգային Ճակատ կուսակցության երիտասարդ ակտիվիստ Ջաբար Սավալանին 2,5 տարի ժամկետով ազատազրկելու, ինչպես նաև իրավապաշտպան Վիդադի Իսկենդերովին 2 ամսով կալանավորելու դատավճիռները: Այս մասին հաղորդում է «Թուրան» գործակալությունը:
ՄԻԱ-ը համարում է երկու դատավճիռները որպես քաղաքական պատվեր ու փաստում, որ Իսկենդերովի նկատմամբ քրեական մեղադրանքը կապված է վերջին տարիների նրա հասարակական-քաղաքական ակտիվության հետ: Ավելին` Իսկենդերովի ձեռբակալությունը ուղղակի մարտահրավեր և սպառնալիք է այլ իրավապաշտպաններին, որոնք ունեն սկզբունքային դիրքորոշում:
Հայտարարության մեջ ՄԻԱ-ն նաև հիշեցրել է, որ ապորինի թմրամիջոցներ պահելու մեղադրանքը ժամանակին ուղղված են եղել լրագրողներ Էյնուլլա Ֆաթուլաևի և Միրզա Սակիտի դեմ, ինչը ցույց է տալիս իշխանությունների աանհանդուրժողական դիրքորոշումը քաղաքացիական հասարակության ակտիվիստների նկատմամբ:
Մարդու իրավունքների ակումբը հորդորել է Ադրբեջանի իշխանություններին անմիջապես ազատել Սավալանին և Իսկենդերովին, ինչպես նաև զերծ մնալ նմանօրինակ ձեռբակալություններ կատարելուց և կոչ է արել համաշխարհային հանրությանը ուժեղացնել ջանքերը Ադրբեջանի իշխանությունների կողմից մարդու իրավունքների ոլորտում իրենց ստանձնած պարտավորությունների կատարման առումով: /Panorama.am/
|
|
Просмотров: 456 |
Добавил: Voskanapat
| Рейтинг: 0.0/0 |
