Վերջին օրերին շփման գծում Ադրբեջանի կողմից հրադադարի ռեժիմի խախտման դեպքերին ադեկվատ պատասխան է տրվել: Այսօր ասուլիսում այդ մասին հայտարարեց ռազմական փորձագետ Դավիթ Ջամալյանը` ապա վկայակոչելով սոցիալական ցանցերում շրջանառվող տեղեկությունները, նշեց, որ պատասխան գործողությունների արդյունքում Ադրբեջանը երեք զոհ է տվել:
Ըստ Ջամալյանի, ադրբեջանական կողմը հերքել է այդ տեղեկությունը, սակայն դրան չպետք է լուրջ մոտենալ: Դրա փոխարեն կանխատեսեց, որ առաջիկա մի քանի օրերին, ադրբեջանական լրահոսում տեղեկություններ կլինեն արտակարգ միջադեպերի ու դրանց հետևանքով զինվորների, զինծառայողների մահվան մասին:
«Ադրբեջանը թաքցնում է իր զինծառայողների մահվան հանգամանքները» - նկատեց փորձագետը ու բացատրեց, որ եթե հայտարարվեր հայկական կողմի պատասխան գործողությունների հետևանքով Արդբեջանի կրակոցների մասին, ապա հակասություն կառաջանար Ադրբեջանի պետական քարոզչության ու իրականության միջև, կստեղծվեր բարոյալքման մթնոլորտ: Ջամալյանը, վկայակոչելով իր խոսքով հավաստի տեղեկություններ, նշեց, որ այս տարվա ընթացքում ադրբեջանական բանակում 51 զինծառայող է մահացել:
Հիշեցնենք, որ վերջին մի քանի օրերին հակառակորդի կողմից հրադադարի ռեժիմի խախտման հետևանքով հայկական կողմից 3 զինվոր էր մահացել, իսկ մեկն էլ վիրավորվել էր:
/Panorama.am/
|