«Մենք չենք հաշտվի այս ձերբակալության հետ: Մեր նպատակը արմատական փոփոխություններն են: Մենք պետք է հասնենք Իլհամ Ալիևի հեռացմանը և կոչ ենք անում երտասարդներին միանալ այս պայքարին»: Այսպիսի հայտարարություն է արել Ժողճակատ կուսակցության և Սումգայիթի պետական համալսարանի երիտասարդական թևի համակարգող, կալանքի տակ գտնվող ջաբար Սավալանլիի պաշտպանության համար ստեղծված կոմիտեն: Այս մասին հաղորդում է «Թուրան» գործակալությունը:
Աղբյուրի փոխանցմամբ, այսօր կազմակերպված նիստի ժամանակ նաև հայտարարվել է, որ երիտասարդ ակտիվիստի ձերբակալությունն ունի քաղաքական ենթատեքստ:
«Ջաբարի ձերբակալությունը քաղաքական շարժառիթներ ունի, դրանով իշխանությունները ցուցադրում են իրենց վախը` կապված Եգիպտոսում և Թունիսում կատավրող իրադարձությունների հետ»,- հայտարարել է ընդդիմադիր Ժողճակատ կուսակցության երիտասարդական թևի ղեկավարը:
Աղբյուրի փոխացնմամբ, երիտասարդ ակտիվիստին ձերբակալել են թմրանյութեր պահելու և օգտագործելու համար: Սակայն երիտասարդին սատարողները պնդում են, որ նա` Ջաբար Սավալանլին, ձերբակալվել է սոցիալական ցանցերում գործող իշխանություններին քննդատուղ նյութերի շրջանառելու համար:
«Մուսավաթ» կուսակցության երտասարդական կազմակերևպությունը նույնպես հայտնել է , որ սատարում է ընդդիմադիր ակտիվիստի ազատ արձակմանը:
Նախորդող նորություն` Ադրբեջանում ընդդիմության ակտիվիստ է ձերբակալվել:
/Panorama.am/
| 
