 Ուսանողությունը միշտ էլ հասարակության ամենախենթ շերտն է եղել: Նրանք են, որ ամեն մի երևույթին արձագանքում են յուրովի: Շնորհիվ մի խումբ չեխոսլովակյայան հայրենասեր ուսանողների, ովքեր 1939 թվականին ոտքի էին ելել իրենց երկիրն ազատագրելու գերմանական ֆաշիստներից, նոյեմբերի 17-ը դարձավ ուսանողության միջազգային օրը: Այդպիսի փաստեր կան նաև հայոց պատմության էջերի մեջ: Այդ են վկայում բազմաթիվ հայ ուսանողների սխրագործությունները, ովքեր գրիչները փոխարինեցին զենքերով և դուրս եկան ազատագրելու մեր Արցախը:
Նոյեմբերի 17 –ին «Գագիկ Ծառուկյան բարեգործական հիմնադրամը» կազմակերպել էր մի շարք միջոցառումներ` նվիրված ուսանողների միջազգային օրվան: Առաջին միջոցառումը տեղի ունեցավ ԵՊՀ-ում, որտեղ տարբեր բուհերի 42 լավագույն ուսանողներին հանձնվեցին կրթաթոշակներ 500 դոլարին համարժեք դրամով:
«Բարգավաճ Հայաստան» կուսակցության առաջնորդը շնորհավաորեց ուսանողներին և իր ելույթում նշեց, որ այդպիսի կրթարոշակներ ստացող ուսանողների քանակը կավելանա և այն կլինի ամենամյա:
«Ես ապագայի իմ հույսերը կապում եմ մեր երիտասարդության հետ և ամեն ինչ կանեմ, որպեսզի մեր ուսանողները կարողանան կյանքի կոչել իրենց երազանքները: Խոսքը ոչ միայան բարեգործության մասին է` մենք պետք է պետական մակարդակով պայմաններ ստեղծենք մեր երիտասարդների համար», - ասաց Ծառուկյանը:
Ուսանողների համար կազմակերպվել էր նաև համերգ Սպենդարյանի անվան օպերայի և բալետի ազգային ակադեմիական թատրոնի դահլիճում, որտեղ նրանց շնորհավորելու էին եկել հայկակակն շոուբիզնեսի ներկայացուցիչները:
Այնտեղ ևս հնչեց «Բարգավաճ Հայաստան» կուսակցության առաջնորդի ուղերձը ուսանողության միջազգային օրվա կապակցությամբ. «Սիրելի ուսանողներ, սրտանց շնորհավորում եմ ձեզ ուսանողության միջազգային օրվա կապակցությամբ: Ուղիղ 70 տարի առաջ մի խումբ չեխ հայրենասեր երիտասարդներ ոտքի ելան իրենց երկիրը օկուպացրած գերմանական ֆաշիստների դեմ` պայքարելով հայրենի երկրի անկախության և ազատության համար: Ես համոզված եմ, որ նման հերոսական արարք կաներ ձեզանից յուրաքանչյուրը` հայրենի երկիրն ազատ ու անկախ տեսնելու համար:
Բոլոր ժամանակներում էլ երիտասարդությունն է և, հատկապես, նրա սերուցքը կազմող ուսանողությունն է, որ հանդես է գալիս ազատության, անկախության հավասարության ու համերաշխության վեհ գաղափարների առաջամարտիկների դերում: Դուք եք մեր երկրի վաղվա ապագան: Եվ ես վսատհ եմ, որ այդ ապագան փայլուն է լինելու», - ասել է Գագիկ Ծառուկյանը:
Տոնակատարությունը եզրափակվեց մեծ խնջույքով, որի ընթացքում մի շարք ուսխորհուրդի նախագահներ արժանացան պատվոգրերի: Միջոցառմանը ներկա էր նաև «Զինվոր» համակարգող խորհուրդի նախագահ Մարգարիտա Խաչատրյանը, ում անվանում են հայկական բանակի «Տիկին Մոռոզ»: Նա եկել էր շնորհավորելու ուսանողներին և հիշեցնելու Հայրենիքի ապագա պաշտպաններին, որ միշտ լինելու է նրանց կողքին:
Արուսյակ ՍԻՄՈՆՅԱՆ
| 
