Այսօր առավոտյան պայթյուն է տեղի ունեցել Վրաստանի պաշտպանության նախարարության Կրծանիսի ուսումնական կենտրոնում: Այս մասին, ՌԻԱ Նովոստիի համաձայն, հաղորդում է «Նովոստի-Վրաստան» գործակալությունը` հղում անելով «Ռուսթավի-2» հեռուստաընկերությանը:
Թբիլիսիի և Ռուսթավիի հիվանդանոցներ են տարվել շուրջ 20 զինծառայողներ: Նախնական տվյալներով, 3 մարդ զոհվել է: Պաշտպանության նախարարությունն առայժմ ձեռնպահ է մնում որևէ մեկնաբանություններից:
Հիվանդանոցների ճանապարհները, ուր տեղափոխվել են վիրավորները, փակ են: Մոբիլիզացվել է պարեկային ոստիկանությունը: «Online Վրաստան» գործակալությունը հաղորդում է, որ վիրավորների ազգականները հաստատել են` իրենց հարազատները տուժել են պայթյունի արդյունքում:
Ուսումնական կենտրոնը գտնվում է Թբիլիսիից դեպի Ռուսթավի տանող Ռուսթավիի մայրուղում: Հենց Կրծանիսի ռազմական բազայում են ամերիկյան հրահանգիչները ուսուցանում վրացական զինծառայողներին, նշում է աղբյուրը:
/Aysor.am/
| 
