Блог
Главная »
2011 » Январь » 17 » «Էրդողանը քաղաքակիրթ մարդկանց մոտ տարակուսանք է հարուցում»
16:26 «Էրդողանը քաղաքակիրթ մարդկանց մոտ տարակուսանք է հարուցում» |
«Ցանկացած երկրի ղեկավար կարող է հիմարություն ասել կամ իր ճաշակից և էստեթիկական մոտեցումներից ինչ-որ հայտարարություններ անել: Դա իր մակարդակի մասին է խոսում»,- այսօր ասուլիսի ժամանակ ասաց ՀՀ ԱԳ նախկին նախարար Ալեքսանդր Արզումանյանը`Aysor.am-ի թղթակցի խնդրանքով մեկնաբանելով Թուրքիայի վարչապետ Ռեջեփ Թայիբ Էրդողանի այն հայտարարությունը, ըստ որի պետք է ապամոնտաժել Կարսում հայ-թուրքական բարեկամությունը խորհրդանշող հուշարձանը:
Արտաքին քաղաքական գերատեսչության նախկին ղեկավարը նշեց, որ գեղագիտական տեսանկյունից անձամբ չի հավանում Կարսում գտնվող արձանը, սակայն գտնում է, որ քաղաքական տեսանկյունից այն իր նշանակությունն ունի:
«Եթե կա քաղաքական ենթատեքս, ապա, որքան ես գիտեմ, փորձ է արվում «փրկել դեմքը» և խոսել արձանի շուրջ կառուցապատման հետ կապված խնդիրներից: Համենայն դեպս, սա Էրդողանի առաջին հայտարարությունը չէ, որ տարակուսանք է հարուցում քաղաքակիրթ մարդկանց շրջանակներում»,- ասաց Ա.Արզումանյանը` հավելելով, որ նման հայտարարությունները դեռ կշարունակվեն:
/Aysor.am/
|
|
Просмотров: 523 |
Добавил: Voskanapat
| Рейтинг: 0.0/0 |
