Блог
Главная »
2010 »
Январь »
15 » Էրդողանի պատասխանը Վլադիմիր Պուտինին
17:38 Էրդողանի պատասխանը Վլադիմիր Պուտինին |
Թուրքիա վերադառնալուց անմիջապես հետո վարչապետ Ռեջեփ Թայիբ Էրդողանը «Սաբահ» թերթին տված հարցազրույցում փորձ արեց պատասխանել Ռուսաստանի վարչապետ Վլադիմիր Պուտինի ոչ երկիմաստ հայտարարությանը:
Հարց - Ռուսաստանի վարչապետ Պուտինը չի ողջունել Հայաստան-Թուրքիա հարաբերությունների կարգավորման գործընթացը Լեռնային Ղարաբաղի խնդրի հետ շաղկապումը: Կողմնակից է այդ երկու խնդիրների առանձին-առանձին լուծմանը: Արդյոք դա չի՞ վկայում այդ հարցում Թուրքիայի և Ռուսաստանի միջև տարաձայնությունների մասին:
Պատասխան - Այդ հարցերի լուծումներին որքան էլ փորձենք առանձին-առանձին մոտեցում ցուցաբերել, միևնույն է` վարագույրի հետևում դրանց կապը կա: Հայ-թուրքական սահմանը փակվեց Հայաստանի և Ադրբեջանի միջև ծագած խնդրի պատճառով: Օրինաբար ծագած խնդիրն օրինաբար էլ պետք է լուծվի… Թող վերջ դրվի Ղարաբաղի զավթմանը… Հայաստան-Թուրքիա հարաբերություններն էլ հեշտությամբ կկարգավորվեն: Իսկ Հայաստանի բարի կամքը նախ թող դրսևորվի գրավյալ շրջաններից դուրս գալով: 7 շրջաններից դուրս գալուց հետո միայն դրական զարգացումներ կլինեն: Մեզ համար պարզ է` ինչ քայլեր պետք է կատարվեն: Մեր առջև սահմաններ կան: Մենք արդեն որոշակի ռիսկերի գնացել ենք: Բեռնափոխադրումները, Երևան-Ստամբուլ չվերթները մենք ենք սկսել: Օդային սահմանը բացել ենք, բայց ցամաքային սահման բացելն այլ է: Թուրքիայում այժմ մեծ թվով թուրքական քաղաքացիություն չունեցող հայեր են ապրում: Նախաձեռնողը պետք է Ռուսաստանը լինի: Մեդվեդևի և Պուտինի հետ բացեիբաց խոսել եմ: Մինսկի եռանախագահության ներսում Հայաստանի վրա թիվ մեկ ազդեցությունը Ռուսաստանն ունի, այնուհետև` Միացյալ Նահանգները, ապա` Ֆրանսիան: Եթե Ռուսաստանը համագործակցի, ապա արդյունքն ավելի արագ կլինի: Իսկ եթե Ռուսաստանն այդ հարցում թուլություն դրսևորի, արդյունքի հասնելը շատ դժվար կլինի»:
|
|
Просмотров: 585 |
Добавил: Voskanapat
| Рейтинг: 0.0/0 |
