Աֆղանական Հոստ արևելյան նահանգում Ազգային անվտանգության նախարարության աշխատակիցները ձերբակալել են Ադրբեջանի մի քաղաքացու, որը կապ է ունեցել ահաբեկչական «Ալ-Քաիդա» խմբավորման հետ և համարվել է դրա անդամ: Ըստ ադրբեջանական լրատվամիջոցների, ձերբակալվածը ծրագրել է այդ նահանգում մի քանի ահաբեկչական գործողություն իրականացնել:
Ըստ Աֆղանստանի Ազգային անվտանգության նախարարության լրատվական ծառայությունից հաղորդման, ձերբակալվածը հարցաքննության ժամանակ խոստովանել է, որ ահաբեկչական խմբավորման անդամ է: Նա գրոհայինների պատրաստման դասընթաց է անցել Պակիստանում տեղակայված ճամբարներում:
