Ըստ «Ասոյշեթդ փրես» գործակալության, Իրանը մտադիր է փոխհատուցում պահանջել Երկրորդ համաշխարհայինի պատերազմի ժամանակ կրած վնասների համար։ Այս մասին հայտարարել է Իրանի նախագահ Մահմուդ Ահմադինեժադը։
Ահմադինեժադի խոսքերով, չնայած նրան, որ Երկրորդ համաշխարհային պատերազմի ժամանակ իրենց երկիրը հայտնել էր իր չեզոքության մասին, սակայն գրավվել է. «Ձեր պայքարի ողջ ծանրությունն ընկավ իրանցիների ուսերին, իսկ պատերազմի հաղթանակը դուք այդպես էլ չկիսեցիք Իրանի հետ»,- ասել է նա։ Ինչպես նշել է Ահմադինեժադը, հենց Իրանում է կայացվել Գերմանիայի դեմ ընդհանուր ճակատ ստեղծելու որոշումը, ինչը և բերել է նրա դեմ հետագա հաղթանակի։
Նա պահանջել է, որ ձևավորվի վնասի չափերը հաշվող կոմիտե: «Խորհրդային Միությունը և Բրիտանիան պարտավոր են վճարել այդ գումարը»,- հայտարարել է նա:
