Блог
Главная »
2011 »
Январь »
10 » Դավութօղլուն հայ-թուրքական կարգավորումը դարձյալ կապել է ղարաբաղյան հիմնախնդրի հետ
14:24 Դավութօղլուն հայ-թուրքական կարգավորումը դարձյալ կապել է ղարաբաղյան հիմնախնդրի հետ |
Թուրքիայի արտաքին գործերի նախարար Ահմեթ Դավութօղլուն նախօրեին Կարսում հանդիպել է լրագրողների հետ: Ըստ թուրքական «Son dakika» լրատվամիջոցի` հարցուպատասխանի ժամանակ անդրադարձ է եղել Հայաստանի հետ հարաբերությունների կարգավորման թեմային:
«Մենք խաղաղության կողմնակից ենք: Կամենում ենք հարաբերությունների կարգավորում Հայաստանի ու Թուրքիայի միջև: Սակայն դա միակողմանի ցանկությամբ չի լինում: Հարկ է, որ Հայաստանն էլ այդ հարցում քայլեր կատարի: Անհրաժեշտ է Կովկասում խաղաղություն հաստատել, իսկ դրա համար հարկավոր է նաև հայ-ադրբեջանական հարաբերությունների նորմալացում»,- նշել է Թուրքիայի արտգործնախարարը:
Նկատենք, որ հայ-թուրքական հարաբերությունների կարգավորման գործընթացի նախաձեռնությունը, հետևաբար և առաջին քայլը պաշտոնական Երևանինն է եղել: Անկարան դրսևորել և դրսևորում է ապակառուցողական վարքագիծ: Արդյունքում արձանագրությունների ստորագրումից ամիսներ անց կարգավորման գործըթնացն առկախվեց, քանի որ Անկարան շարունակում էր այդ հարցը նախապայմանի տեսքով շաղկապել ղարաբաղյան հիմնախնդրի հետ:
/Panorama.am/
|
|
Просмотров: 448 |
Добавил: Voskanapat
| Рейтинг: 0.0/0 |
