Այսօր ԼՂ խնդրի կարգավորմանն ուղղված բանակցությունների սեղանին դրված են երեք սկզբունքեր ու վեց դրույթներ: Դրանք ամբողջությամբ վերցրած Հայաստանը ընդունում է որպես բանակցությունների հիմք: Լրագրողների հետ հանդիպմանն այսօր հայտարարեց ԱԳ նախարար Էդվարդ Նալբանդյանը: Նա հիշեցրեց, որ միջազգային հանրությունը ևս հայտարարում է, որ դրաքն կազմվել ու ներկայացվում են որպես մեկ ամբողջություն, և մի սկզբունքը մյուսի նկատմամբ գերակա ու առավել չէ:
«Ի՞նչ է ասում միջազգային հանրությունը, ի՞նչ է ասում Հայաստանը, ի՞նչ են ասում միջնորդները, և ի՞նչ է ասում Ադրբեջանը»,-հարց հնչեցրեց Նալբանդյանը, ապա պատասխանեց, որ եռանախագահող երկրների առաջնորդներն ասում են, որ այս սկզբունքները մշակված են որպես ամբողջություն, անջատել մի սկզբունքը կամ դրույթը մյուսներից, անընդունելի է և կխոչընդոտի կարգավորման գործընթացին: Նույն բանն ասում է Հայաստանը, հայտարարելով, որ դրանք բանակցությունների հիմք են: «Մենք նույն կարծիքին ենք, որ չի կարելի մի դրույթին առավելություն տալ մյուսի նկատմամբ»,-հայկական կողմի դիրքորոշումը բարձրաձայնեց արտաքին հարցերի գերատեսչության ղեկավարը:
«Ի՞նչ է ասում Ադրբեջանը: Կարծում եմ, որ ադրբեջանցիներն իրենք էլ չեն հասկանում, թե ինչ են ուզում ասել: Ասում են` այո…., բայց, այո…, սակայն ոչ, եսիմ ինչ: Պարզ պետք է պատասխան տալ, այո կամ ոչ: Այս է որ միջազգային հանրությունը և Հայաստանն ասում են նույնը»,-ասաց Նալբանդյանը:
ԱԳ նախարարաը հիշեցրեց, թե ինչ սկզբունքների ու դրույթների մասին է խոսքը: Սկզբունքներն են ուժի և ուժի սպառնալիքի չկիրառումը, տարածքային ամբողջականության ու ազգերի ինքնորոշման իրավունքը: Դրույթները վեցն են` ԼՂ վերջնական կարգավիճակը պետք է որոշի ԼՂ բնակչությունը իր կամարատահայտությամբ, որը պետք է ունենա միջազգային իրավական ուժ, իսկ մինչ այդ ԼՂ-ն պետք է ունենա միջանկյալ կարգավիճակ: «Ի՞նչ է նշանակում միջանկյալ կարգավիճակ: Դա պետք է նախատեսի այն, ինչ որ ունի ԼՂ-ն այսօր, բայց այդ միջանկյալ կարգավիճակը պետք է ճանաչվի նաև միջազգային հանրության կողմից»,-երկրորդ դրույթն այսպես ներկայացրեց ԱԳ նախարարը:
Շարունակելով դրույթների ներկայացումը Նալբանդյանն ասաց, որ երրորդը վերաբերում է Հայաստանի ու Լեռնային Ղարաբաղի միջև անխափան կապի առկայությանը, 4-րդը` բոլոր փախստականների ու տեղահանված անձանց վերադարձին` միջազգային անվտանգության երաշխիքների առկայության պարագայում, այնուհետ անվտանգության միջազգային երաշխքինքերի առկայություն, ներառյալ խաղաղապահ գործողությունները Ղարաբաղի շուրջ, վեցերորդը` տարածքների վերադարձ: «Այնտեղ ասված չէ, որ դրույթներից վեցերորդում կոնկրետ ինչ տարածքների մասին է խոսքը: Այո, Հայաստանը այս բոլորը սկզբունքներն ու դրույթներն ընդունում է որպես ամբողջություն գործընթացի առաջ շարժման համար»,-պարզաբանեց նախարարը, ապա հավելեց, որ ադրբեջանական կողմը սկզբունքներից միայն մեկն է ընդունում` այն էլ իրենց մեկնաբանությամբ, իսկ վեց դրույթից միայն մեկն են ընդունում` տարածքների վերադարձի վերաբերյալ, այն էլ կրկին իրենց մեկնաբանությամբ: Հենց դրանն էին ուղղված Աստանայում ու Ալմա Աթիում հնչեցրած հայտարարությունները, թե սկզբունքերը հավասար են, իսկ Հայաստանի դիրքորոշումը համահունչ է միջազգային հանրության մոտեցմանը:
/Panorama.am/
|
