Պետք է տարբերել, թե միջազգային հանրությունը պատերազմի հավանակնության մասին ինչ է ասում, և ինչ է իրականում մտածում: Այս մասին լրագրողների հետ հանդիպման ժամանակ հայտնեց ԱԺ-ում Հայ հեղափոխական Դաշնակցություն խմբակցության ղեկավար Վահան Հովհաննիսյանը, ում համոզմամբ` «բոլորը հայտարարում են, որ պատերազմը անթույլատրելի է, բացառված է, չի կարելի ոչ մի դեպքում հանդուրժել, բայց իրականության մեջ հասկանում են, որ եթե պատերազմը սկսվեց, որոնք են իրենց ռեալ մեխանիզմները այն կանխելու, թույլ չտալու, կամ արագ կասեցնելու»:
«Մեր տարածաշրջանում ՆԱՏՕ-ն` Թուրքիան է, ում որևէ միջամտությունը մեզ համար ընդունելի չէ, Ռուսաստանը` որպես կանոն նման դեպքերում մի քանի օրով ուշանում է, ինչն այդպես է արդեն մոտ 150 տարի շարունակ, և ես կարծում եմ, որ մենք պետք է հաշվարկենք այնպես պինդ կանգնել, որ նրանք սկսեն շտապել, այսինքն` շտապեն, որպեսզի փրկեն Ադրբեջանը, փրկեն նավթամուղը»,- ընդգծեց Վ. Հովհաննիսյանը:
/Aysor.am/
|
