Блог
Главная »
2010 »
Июнь »
30 » Պիտեր Սեմնեբի. Ղարաբաղը չպետք է սպիտակ կետ մնա Եվրոպայի և տարածաշրջանի քարտեզի վրա
13:54 Պիտեր Սեմնեբի. Ղարաբաղը չպետք է սպիտակ կետ մնա Եվրոպայի և տարածաշրջանի քարտեզի վրա |
PanARMENIAN.Net - Ղարաբաղյան հակամարտության կարգավորման սկզբունքներն անփոփոխ են մնում: Այդ սկզբունքները լուրջ հիմքեր են ստեղծում լուրջ գործընթացի համար: Դա նաև կարևոր է նրա համար, որպեսզի երկու երկրների հանրությունն իմանա, թե ինչի մասին է խոսքը գնում բանակցային գործընթացում: Շատ կարևոր է, որ համանախագահ երկրները կանգնած են այդ սկզբունքների հետևում շատ բարձր մակարդակով: Այդ մասին Բաքվում հայտարարել է Հարավային Կովկասում ԵՄ հատուկ ներկայացուցիչ Պիտեր Սեմնեբին: Նրա խոսքերով, համանախագահ երկրների հայտարարությունը մեկ տարի առաջ ասվածի կրկնությունն է:
Պիտեր Սեմնեբին, պատասխանելով ադրբեջանական համայնքի հետ Լեռնային Ղարաբաղ այցելելու պլանի իրականացման մասին հարցին, ընդգծել է. «Այդ պլանը չիրագործվեց: Բայց ես հուսով եմ, որ կմեկնեմ այնտեղ: Ես չեմ խոսելու այն մասին, թե ով կուղեկցի ինձ: Հիմա գլխավորը կապ հաստատելն է Լեռնային Ղարաբաղում ապրող բնակչության հետ: Ղարաբաղը չպետք է սպիտակ կետ մնա Եվրոպայի և տարածաշրջանի քարտեզի վրա: Պետք է շփվել բոլորի հետ, ով առնչություն ունի հակամարտության հետ: Առանց այդպիսի շփման հակամարտությունը լուծում չի ունենա», հաղորդում է ԱՊԱ-ն”:
/www.Panarmenian.net/
|
|
Просмотров: 462 |
Добавил: Voskanapat
| Рейтинг: 0.0/0 |
