Блог
Главная »
2009 » Декабрь » 21 » Վանի Աղթամար կղզու պատմական Սուրբ խաչ եկեղեցին բացվելու է
12:07 Վանի Աղթամար կղզու պատմական Սուրբ խաչ եկեղեցին բացվելու է |
Ըստ թուրքական «Հյուրրիյեթ» օրաթերթի, Վանի Աղթամար կղզու պատմական Սուրբ խաչ եկեղեցին բացվելու է պատարագներ մատուցելու և ժամերգությունների համար, ինչի մասի հայտարարություն է արել Վանի նահանգապետ Մյունիր Քարաօղլուն: Քարաօղլուն հայտնել է, որ համապատասխան թղթաբանությունը մշակույթի նախարարությայն հետ արդեն արված է և 2010 թվականի սեպտեմբերի 12-ին եկեղեցում պատարագ կմատուցվի:
«Այդ առիթով մենք հրավիրելու ենք հայազգի համաքաղաքացիներին և Վանին հատուկ հյուրասիրությամբ պատվելու ենք նրանց»,- ասել է Քարաօղլուն:
Վերջինիս համոզմամբ` Վանում զբոսաշրջության զարգացմանը մեծապես կարող են նպաստել Հայաստանն ու Իրանը: Ըստ կանխատեսումների` մինչև 2023 թվականը Վանի զբոսաշրջիկների թիվը կհասնի 1 միլիոնի:
«Հարկավոր է Իրանի հետ բացել մեր Քափըքոյ սահամանդուռը: Այդ դեպքում Իրանից մարդիկ մեկ ժամում կարող են Վան գալ, նույն օրն էլ վերադառնալ: Հայաստանի հետ սահմանը բացելու մասով մեր իշխանությունները լուրջ ջանք են գործադրում: Հայաստանի հետ սահմանի բացման դեպքում էլ ամենաշատ այցելությունները բաժին կընկնեն Վանին: Մենք դա գիտենք և տեսնում ենք»,- ասել է Վանի նահանգապետը:
Աղթամարի Սուրբ Խաչ եկեղեցին վերանորոգված է, բայց դեռևս գործում է որպես թանգարան և նրա գմբեթին խաչ չի տեղադրվել:
|
|
Просмотров: 640 |
Добавил: Voskanapat
| Рейтинг: 0.0/0 |
