Ըստ ԱՊԱ գործակալության տվյալների, սպանվել է Ադրբեջանի քաղաքացի Ազեր Միսիրխանովը, «Աբդուլա» մականունով, որը հայտնի էր որպես միջազգային հանցավոր ցանցին կապված ծայրահեղական կրոնական խմբի ստեղծող և մի շարք ծանր հանցագործությունների հեղինակ:
Նա սպանվել է Աֆղանստանում, ամերիկյան ուժերի կողմից զինված կազմավորումների դեմ ձեռնարկված գործողությունների ժամանակ:
Միսիրխանով-Աբդուլան Աֆղանստանում հայտնի «Ազեր Աբու-Օմար» ահաբեկչական զինված ջոկատի էմիրն էր:
Վերոհիշյալ տեղեկատվությունը ներկայացնելիս, ինչպես ԱՊԱ-ն, այնպես էլ մյուս ադրբեջանական գործակալությունները չեն մոռացել նաև հատկապես նշել, որ ամերիկյան ավիահարձակումը կազմակերպվել է մուսուլմանների սուրբ տոնի` ղուրբանի ժամանակ:
