Блог
Главная »
2009 » Декабрь » 29 » Թուրքիայի Ազգային անվտանգության խորհրդի նիստը
16:42 Թուրքիայի Ազգային անվտանգության խորհրդի նիստը |
Անցած երկուշաբթի, նախագահ Աբդուլա Գյուլի գլխավորությամբ, կայացել է Թուրքիայի Ազգային անվտանգության խորհրդի նիստը, որը տևել է չորս ու կես ժամ:
Առանձին հարցերի քննարկմանը մասնակցել է նաև պետնախարար, ԵՄ հետ բանակցող պատվիրակության ղեկավար Էգմեն Բաղիշը:
Նիստից հետո հրապարակված պաշտոնական հայտարարության մեջ ասված է. «Խորհրդակցության ժամանակ հիմնական շեշտադրումն արվել է երկրի միասնականության և հանդարտության համար սպառնալիք համարվող ահաբեկչության դեմ պայքարի վճռականության վրա, ինչպես նաև հույս է հայտնվել, որ երկրի քաղաքացիները, ժողովրդավարական ու իրավական սկզբունքների շրջանակներում, կդրսևորեն առողջ բանականություն և կխուսափեն եղբայրական կապերը վտանգող գործողություններից»:
Խորհրդակցության ժամանակ քննարկվել են նաև Իրաքի հնարավոր ընտրությունների գործընթացը, Իրաքի հետ հարաբերությունները և եռակողմ մեխանիզմի աշխատանքը:
Ազգային անվտանգության խորհրդի անդամները մանրակրկիտ քննարկել են Կիպրոսի հարցով տարվող, ինչպես նաև Եվրոմիության հետ վարվող բանակցությունների ընթացքը:
Նիստին մասնակցած նախարարների հետ առանձին խորհրդակցություն է անցկացրել նաև վարչապետ Թ.Էրդողանը:
|
|
Просмотров: 742 |
Добавил: Voskanapat
| Рейтинг: 0.0/0 |
