«Դա ավելի արագ կատարվել է 19-րդ դարում տեղի ունեցած վիթխարի արտագաղթի և ներգաղթի շնորհիվ, ինչի արդյունքում Անատոլիայի բնակչությունը, որը հիմնականում բաղկացած էր հայերից, հույներից, քրդերից, ասորիներից, լուրջ փոփոխության է ենթարկվել: Հետազոտությունների համաձայն, այսօր Անատոլիայում երակներում միջինասիական գեն կրող մադկանց թիվը չի գերազանցում երեք տոկոսը», -ասել է նա:
Թուրք պատմաբանը դժվարացել է պատասխանել այն հարցին, թե Անատոլիա թափանցած թուրքերի թվաքանակն ի սկզբանե ինչքան է եղել` նշելով, որ դա ոչ ոք ի վիճակի չէ փաստել: Իսկ այն հարցին, թե ինչքան հայեր էին բնակվում Անատոլիայում մինչև 1915 թ-ը, Սելիմ Դերինգելն ասել է, որ Հայոց պատրիարքարանի տվյալներով` 2 մլն, Օսմայնան կայսրության տվյալներով` 900 հազար, իսկ «անկողմնակալ» հետազոտությունների համաձայն` 1 մլն 300 հազար:
«Օսմանյան կայսրությունը, Բալկանները կորցնելուց հետո վախենալով, որ նույնը կարող է տեղի ունենալ նաև արևելյան Անատոլիայում (խմբ. Արևմտյան Հայաստանում), քուրդ ցեղախմբերից կազմված Համիդիե գնդեր ստեղծեց, հրահանգեց նրանց կոտորել սրտի ուզածի չափ հայերի և տիրանալ նրանց ունեցվածքին: Համիդիե գնդերն այդ տարածքներում 1915 թ-ի գաղթից առաջ հայերի մեծ կոտորածներ իրագործեցին», -հայտարարել է թուրք պատմաբանը:
