Блог
Главная »
2009 » Декабрь » 15 » Էրդողան-Օբամա հանդիպման վերջնական արդյունքները
11:24 Էրդողան-Օբամա հանդիպման վերջնական արդյունքները |
Էրդողան Օբամա հանդիպման արդյունքներն է ամփոփել թուրքական «Սաբախ» թերթը: Ըստ թերթի, թուրքական կողմից քննարկաման օրակարգում ընդգրկված ութ հարցից հինգով հաջողվել է ձեռք բերել համաձայնություն: Անհամաձայնություն է եղել միայն հայկական և իրանական հարցերում, ինչպես նաև Ստամբուլում ուղղափառ հոգևոր ակադեմիայի բացման խնդրում:
ԱՄՆ նախագահը Թուրքիայի վարչապետին հասկացրել է, որ եթե Անկարան ու Երևանը մոտ ժամանակներս չվավերացնեն համագործակցության մասին արձանագրությունները, ապա Հայոց ցեղասպանության հարցը կարող է և ընդունվել ԱՄՆ Կոնգրեսի կողմից:
Բանակցությունների լավագույն արդյունքը, ըստ քաղաքագետների, ահաբեկչության դեմ պայքարի ոլորտում կողմերի միջև հետախուզական տեղեկատվության փոխանակման վերաբերյալ համաձայնությունն էր:
Միևնույն ժամանակ, կողմերը համաձայնվել են, որ Թուրքիան չի ուղարկի լրացուցիչ զինուժ Աֆղանստան, որ Քրդական աշխատավորական կուսակցությունը ԱՄՆ և Թուրքիայի ընդհանուր թշնամին է, որ Սպիտակ տունը հավանություն է տալիս թուրքական կառավարության ժողովրդավարական նախաձեռնություններին, որ կողմերը հավասարապես ձգտում են օժանդակել Կիպրոսում իրավիճակի կարգավորմանը և, որ անհրաժեշտ է ստեղծել երկկողմ առևտրատնտեսական կապերի ակտիվացմանն ուղղված մշտական գործող մեխանիզմ:
Բանակցությունների ընթացքում քննարկվել է նաև Թուրքիային մարտական ուղղաթիռներ և անօդաչու հետախուզական ինքնաթիռներ տրամադրելու հարցը:
|
|
Просмотров: 727 |
Добавил: Voskanapat
| Рейтинг: 0.0/0 |
