Ադրբեջանի ղեկավարության կազմում ներկայացված պաշտոնյաների ծննդյան օրերը հանդիսավորությամբ նշելն ավանդույթի է վերածվել: ՊՆ կառույցները դրամահավաք են սկսել 2010 թ-ի հունվարի 27-ին նրա ծննդյան 55-ամյակը նշելու համար:
«Ենի մուսավաթին» հասած տեղեկություններով, Ադրբեջանի ՊՆ ստոմոտոլոգիական զինվորական պոլիկլինիկայում յուրաքանչյուր բժշկից 500-ական մանաթ (400 դոլար) գումար է հավաքվում՝ Սաֆար Աբիեւին նվեր գնելու համար: «Պոլիկլինիկայում 60 աշխատակիցներ կան: Մեկ ամիս առաջ դրամահավաք սկսած պոլիկլինիակայի գլխավոր բժիշկ Ֆարհադ Հաջիեւը սպառնացել է, որ գումարը չտվողների կոչումները կիջեցվեն», -թերթին հայտնել է հավաստի աղբյուրը:
Թերթը գրել է, որ տարվա սկզբին մշակույթի եւ զբոսաշրջության փոխնաախարարի 7 օր տեւած շոու-հոբելյանի ավարտին հոբելյարը հանդիպել է երկրի ղեկավարության զայրույթին: «Դրանից առաջ էլ տնտեսական զարգացման նախարար Հեյդար Բաբաեւն է իրեն շքեղ եւ պերճաշուք ծննդյան օր նշել: Այդ միջոցառումը վերջ է դրել նրա կարիերային: Սաֆար Աբիեւի 55-ամյակին մեկ ամիս է մնացել:
Զինվորական պոլիկլինիկայի գլխավոր բժշկի պատրաստությունները ցույց են տալիս, որ Սաֆար Աբիեւն էլ է հանդիսավոր հոբելյանի պատրաստվում: Երեւում է, Աբիեւը վստահ է, որ չի արժանանա տնտեսական զարգացման նախարար Բաբաեւի ճակատագրին», -հեգնել է թերթը, նշելով, որ Սաֆար Աբիեւը Ադրբեջանի պաշտպանության նախարարի պաշտոնում նշանակվել է 1995 թ-ին: ԱՐՄԵՆՊՐԵՍ
| 
