Блог
Главная »
2009 » Декабрь » 31 » Դեսպանը հյուրընկալվել է Արամ Ա. կաթողիկոսին
11:55 Դեսպանը հյուրընկալվել է Արամ Ա. կաթողիկոսին |
Լիբանանում Իրանի դեսպան Միր Մասուուտ Հյուսենեան, դեսպանության քաղաքական խորհրդական Աբաս Ղորլուի ընկերակցությամբ, դեկտեմբերի 30-ին այցելել է Անթիլիասի մայրավանք` հյուրընկալվելով Ն.Ս.Օ.Տ.Տ. Արամ Ա. կաթողիկոսին:
Նոր տարվա ու Ս. Ծննդյան տոների առիթով դեսպանն իր պետության անունից շնորհավորել է Նորին Սրբությանը, հայ եկեղեցուն ու հայ ժողովրդին: Հանդիպումը առիթ է հանդիսացել նաեւ խոսելու Լիբանանի քաղաքական իրադարձությունների, նաեւ Միջին Արեւելքի քաղաքական ընդհանուր կացության մասին:
Դեսպանը բարձր գնահատանքով հիշել է իրանահայ համայնքի կարեւոր ներդրումը Իրանի կյանքին ու բարգավաճմանը` շեշտելով Մեծի Տանն Կիլիկիո կաթողիկոսության կողմից ղեկավարվող իրանահայ երեք թեմերի կազմակերպված ու օրինակելի գործունեությունը:
Վեհափառ Հայրապետն իր հարթին, կարեւորությամբ շեշտել է հայ եկեղեցու ու հատկապես Մեծի Տանն Կիլիկիո կաթողիկոսության գործակցությունը Իրանի Իսլամական Հանրապետության հետ, միջկրոնական ու քրիստոնյա-իսլամ երկխոսության համատեքստում: ԱՐՄԵՆՊՐԵՍ
|
|
Просмотров: 672 |
Добавил: Voskanapat
| Рейтинг: 0.0/0 |
