Блог
Главная »
2010 »
Апрель »
2 » Բաքուն աշխարհաքաղաքական ընտրության առջև
10:39 Բաքուն աշխարհաքաղաքական ընտրության առջև |
Սպիտակ տան անվտանգության խորհրդի նախկին անդամ, Իրանի քաղաքականության գծով կոմիտեի ղեկավար Ռայմոնդ Թանթերը գտնում է, որ մոտ ժամանակում Բաքուն հարկադրված կլինի աշխարհաքաղաքական ընտրություն կատարել ԱՄՆ-ի, Ռուսաստանի և Իրանի միջև:
«Թուրանի» թղթակցի հետ զրույցում նա հայտնել է, որ ԱՄՆ և Ռուսատանի միջև ռազմավարական զենքերի սահմանափակման մասին նոր համաձայնագիրը, անկասկած, ենթադրում է Ադրբեջանի Գաբալայի ռադիոտեղորոշիչ կայանի օգտագործում: «Այժմ այդ հնարավորությունը շատ ավելի մեծ է, քան Բուշի վարչակազմի և Ռուսաստանի միջև այդ հարցի վերաբերյալ բանակցությունների ժամանակ»,-ասել է Թանթերը: «Սակայն, Իրանի վարչակազմը կարող է մեղադրել Բաքվին այն երկկողմ համաձայնագիրը խախտելու մեջ, որը թույլ չի տալիս երրորդ երկրի թշնամական նպատակներով օգտվել իր տարածքից: Այդ իրավիճակը Ադրբեջանին կստիպի ընտրություն կատարել: Այնպես որ, Բաքուն կամ պետք է լեզու գտնի մեծ երկրների հետ, կամ էլ զիջումների գնա Թեհրանին», -հավելել է նա:
Փորձագետը կարծում է, որ Ադրբեջանը չի կարող միաժամանակ մնալ ԱՄՆ ռազմավարական դաշնակից և մոտ հարևան Իրանին: Նա գտնում է, որ հակահրթիռային պաշտպանության և Իրանի միջուկային օբյեկտներին հնարավոր հարձակումների վերաբերյալ Մոսկվայի և Վաշինգտոնի վերջին համաձայնությունների համատեքստում Բաքուն հարկադրված կլինի ընտրություն կատարել: «Ավելի լավ կլիներ, որ այդ հարցում Բաքուն համագործակցեր ԱՄՆ և Ռուսաստանի հետ և չընկներ իսլամական հեղափոխությունն Ադրբեջան արտահանելու գործում աշխատող Իրանի ազդեցության տակ», -հորդորել է Իրանի քաղաքականության գծով ամերիկյան կոմիտեի ղեկավարը:
|
|
Просмотров: 572 |
Добавил: Voskanapat
| Рейтинг: 0.0/0 |
